கரிசாலை என்று அழைக்கும் கரிசலாங்கண்ணி , நம்மருகே நீர்நிலைகளிலும்,  சாலை ஓரங்களிலும், நிலங்களிம் இருக்கும் ஒரு பாரம்பரிய மிக்க ஒரு  கற்பமூலிகை ( உடலை பலப்படுத்தும் மூலிகை) எதிரடுக்கில் அமைந்த  வெள்ளை நிற மலர்கள் உடைய மிக்குறுஞ்செடியினம். தரையோடு  படர்ந்தும் வளர்வதுண்டு.  தமிழகத்தின் எல்லா மாவட்டங்களிலும்  ஈரமான நிலத்தில் தானே வளர்வது. 

பயன்கள்

கல்லீரல், மண்ணீரரை பலப்படுத்துவதுடன் செயல்பாட்டினையும் ஒழுங்குப்படுத்துகிறது. மஞ்சள் காமாலை நோயை குணமாக்குகிறது. மதுப்பழக்கத்தினால் ஏற்படும் கல்லீரல் பாதிப்பினை குணப்படுத்துகிறது. அதிக காய்ச்சலினால் ஏற்படும் கல்லீரல் பாதிப்பு, மண்ணீரல் வீக்கத்தினையும் சரி செய்கிறது

இரத்த சோகை

கரிசாலையில் அதிகமான இரும்புச்சத்து உள்ளதால் இரத்தத்தினை சுத்தப்படுத்தி செயல்பாட்டினை சீர்படுத்துகிறது அனிமியா என்று இரத்த சோகையை  குணப்படுத்துகிறது.

வயிறு
குடல் புண், பித்தப்பை கற்கள், குடல் புழுக்கள், பித்தப்பை வீக்கம், மலச்சிக்கல் , வயிற்றுப்புண் போன்றவற்றைக் குணப்படுத்துகிறது. வயிறு சம்பந்தமான அனைத்து நோய்களுக்கும் கரிசலாங்கண்ணியால் குணமாகும்.

சளி இருமல்
சளி இருமல் உள்ளவர்களுக்கு கரிசாலையை உண்ணக்கொடுப்பதன் மூலம் ஆஸ்துமா, சளி, இருமல் போன்றவை குணமடைகிறது. அதிக காய்ச்சல் உள்ளவர்களுக்கு கரிசாலை சாற்றைக்கொடுத்தால் காய்ச்சல் குணமாகும், நோய் எதிர்ப்புத்திறனும் கிடைக்கும். புற்றுநோய் வராமல் தடுப்பதற்கும் உடலில் உள்ள   தாதுக்கள் பலப்படுத்துவதற்கும் கரிசாலங்கண்ணி உதவும்

கண்
கண் பார்வை தெளிவாகவும்,  கண்ணொளி பெருகவும் உதவும்.

தோல்
கரிசாலை சாற்றை இதர மூலிகைகளுடன் மேற்பூச்சாக பயன்படுத்தினால் தோல் நோய்கள், அறிப்பு, தோல் வெடிப்பு நீங்கும்.

முடிவளர  

எள் நெய் அல்லது தேங்காய் எண்ணெயில் இதன் இலையை அரைத்துப்  போட்டு சூரியஒளியில் 8 நாள் புடமிட்டு வடித்துத் தலைக்குத் தேய்க்க முடி  வளரும். 

வேறுபெயா்கள் 

கரிசாலை, கையாந்தகரை, கரிகா, கைகேசி, வைவீசி, கரியசாலை,  கரிப்பான், கையான், பொற்றலைக்கரிப்பான், பொற்கொடி என பலப்  பெயா்கள் உண்டு. 

தாவரப்பெயா் 

Eclipta prostrata Roxb இது Asteraceae என்ற தாவரக்குடும்பத்தைச் சாா்ந்தது. 

அம்மான் பச்சாிசி 

அம்மான் பச்சரிசி ஒரு மருத்துவ மூலிகையாகும். இதன் பேரைக்  கேட்டதும் இது அரிசி போன்று இருக்குமோ என்று நினைக்க வேண்டாம்.  வித்தியாசமான பெயரைக் கொண்ட இது வியக்கத்தக்க மருத்துவக்  குணங்களையும் கொண்டுள்ளது. ஈரமுள்ள இடங்களில் தானே வளரும்.  வடிவ இலைகளையுடையது. பால் உள்ளவை. தமிழகத்தில் எல்லா  மாவட்டங்களிலும் வளர்கிறது.விவசாய நிலங்களில் கழையாக வளரும்.  விதை மூலம் இனப்பெருக்கம் அடைகிறது. 

இலை, தண்டு, பால், பூ, ஆக்கியவை. பயன்தரும். பூண்டு இனத்தைச்  சேர்ந்தது. வெண்ணிறமும் செந்நிறமும் சேர்ந்து காணப்படும். இவற்றில்  சிறு அம்மான் பச்சரிசி, பெரு அம்மான் பச்சரிசி என இரு வகைகள் உண்டு.  இவற்றின் மருத்துவக் குணங்கள் அனைத்தும் ஒன்றே.  

பயன்கள் 

அம்மான் பச்சரிசி பெரும்பாலும் நஞ்சை காடுகளிலும், கிணற்று  ஓரங்களிலும், நீர்நிலை மற்றும் ஈரமாக உள்ள இடங்களிலும் காணப்படும்  மழைக் காலங்களில் தான் நன்கு வளரும். இதன் இலை அல்லது கொடியை  நறுக்கினால் பால் கசியும்.  சித்த மற்றும் ஆயுர்வேத மருத்துவத்தில் இதன்  பயன்பாடு அதிகம். 

தாய்ப்பால் சில தாய்மார்களுக்கு குழந்தைக்குத் தேவையான அளவு  சுரக்காமல் இருக்கும் போதுமான அளவு சுரக்க, அம்மான் பச்சரிசியின்  பூக்களை தேவையான அளவு எடுத்து சுத்தம் செய்து, பசும்பால் விட்டு  அரைத்து பசும்பாலிலேயே கலந்து காலையில் மட்டும் பருகி வந்தால்  குழந்தைக்குத் தேவையான பால் சுரக்கும். அம்மான் பச்சரிசி பாலை  மருவின் மீது தடவி வந்தால் மரு உதிர்ந்துவிடும் அம்மான் பச்சரிசி,  தூதுவளை இரண்டையும் சம அளவு எடுத்து பாசிப்பருப்பு, உளுந்தம்  பருப்பு இவற்றுடன் சேர்த்து கூட்டு வைத்து அதனுடன் தேங்காய் துருவல்,  நெய் கலந்து சாப்பிட்டு வந்தால் உடம்பில் தாது பலப்படும்.  

அம்மான் பச்சரிசிக்கு நெருப்புப் புண், மலச்சிக்கல், நமச்சல்,  பரு, மறு நீகள் ஆகிய குணம் உண்டு  இதன் பாலை நக சுற்றிக்குதடவ குணமாகும். 

வேறுபெயா்கள் 

சித்திரபாலாடை 

தாவரப்பெயா் 

Euphorbia Hirta இது Euphorbiaceae என்ற தாவரக்குடும்பத்தைச் சாா்ந்தது. 

முடக்கற்றான் 

முடக்கற்றான் இந்தியாவிலும், இலங்கையிலும் அதிகமாகக் காணப்படுகிறது.  இது கொடிவகையைச் சேர்ந்தது. குளிர்ந்த ஈரச்சத்துள்ள இடத்தில்தான்  முடக்கற்றான் பயிராகும். இதன் இலையில் அடங்கியுள்ள சத்துக்கள்  ஈரப்பதம்-83.3, புரதச்சத்து-4.7, கொழுப்புச்சத்து 0.6, மாவுசத்து-9.1, தாதுசத்து -2.3, சக்தி-6 கலோாி முதலியவை உள்ளது.  

முடக்கு+அறுத்தான்=முடக்கற்றான். இது மூட்டுக்களை முடக்கி  வைக்கும் மூட்டு வாத நோயை அகற்றுவதால் முடக்கற்றான் எனப்  பெயா் பெற்றது. 

பயன்கள் 

முடக்கற்றான் இலையையும், வேரையும் குடி நீாிட்டு மூன்று  வேளையாக அறுபது மில்லி வீதம் தொடா்ந்து அருந்திவர நாள்பட்ட  இருமல் குணமாகும்.  

• முடக்கத்தான் கீரையுடன் வெல்லம் சேர்த்து கொஞ்சம் நெய்யில்  வதக்கி உட்கொண்டால் கண் சம்பந்தப்பட்ட நோய்கள் குணமாகும். 
• இந்தக் கீரையை அரைத்து அதன் சாற்றைக் காதில் விட்டால் காது  வலி நிற்கும். 
• கட்டிகளில் மேல் இந்த கீரையை வைத்து கட்டினால் அவை உடைந்து  புண் ஆறும். 
• வாய்வுத் தொல்லையுடையவர்கள் முடக்கத்தான் கீரையை சாப்பிட்டால்  வாய்வுத் தொல்லை நீங்கும். 
• மாதவிடாய் நிற்கும் நிலையில் உள்ள பெண்களுக்கு இந்தக் கீரை மிக்க  நல்லது. இந்தக் கீரையின் சாறு ஒரு மேஜைக்கரண்டி போதும் பெண்களின்  மாதவிடாய் தொடர்பான பிரச்சனைகளை போக்கும். 
• இந்தக் கீரையை அரைத்து அடிவயிற்றில் கட்டினால் கர்ப்பிணிப்  பெண்களுக்கு சுகப்பிரசவமாகும். 
• இந்த கீரையை சாப்பிடத் தொடங்கும்போது முதல் ஒன்று அல்லது  இரண்டு நாட்களுக்கு சிலருக்கு மலம் பேதி போன்று போகும். ஆனால்  அதற்காக பயப்படத் தேவையில்லை 

வேறுபெயர்கள் 

முடக்கறுத்தான், முடா்குற்றான், மொடக்கொத்தான், முடக்கத்தான் 

தாவரப்பெயா் 

Cardiospermum Halicacabum இது Sapindaceae என்ற தாவரக்குடும்பத்தைச் சாா்ந்தது 

சிறுபீளை 

இது சிறு செடிவகையைச் சாா்ந்தது இந்தியாவில் ஈரப்பாங்கான  இடங்களில் பரவலாக வளா்கிறது. இதன் இலைகள் சிறியதாக நீள்  வட்டவடிவில் இருக்கும், ஒவ்வொரு இலைக்கும் இடையில் பூக்கள்  இருக்கும். பூக்கள் தண்டுடன் ஒட்டி அவல் போன்ற வடிவமாக இருக்கும். 

சிறு பீளை செடியின் சிறப்பு : 

சிறுபீளை செடியை, கிராமங்களில் பொங்கல் பூ என்று அழைப்பர்.  மார்கழி மாதம் முடிந்து தை மாதம் பிறப்பதை, பொங்கல் நன்னாளாக,  தமிழர் திருநாளாகக் கொண்டாடும் நாளின் முதல் நாள், வீடுகளின்  கூரைகளில் சில இலைக் கொத்துக்களை, காப்பு கட்டுதல் என்று  செருகி வைத்திருப்பர்! அதன் காரணம் என்ன தெரியுமா? 
 
காரணம் என்ன?  

அந்த காப்பு இலைக்கொத்தில், மாவிலை, ஆவாரை, தும்பை உள்ளிட்ட  மூலிகைகளும், சிருபீளையும் இருக்கும். இவை ஒவ்வொன்றுக்கும்  ஒவ்வொரு சிறப்பு உண்டு, மாவிலை, காற்றை சுத்தப்படுத்தி, காற்றில்  பிராண வாயுவை சீராக்கும் தன்மை மிக்கது, அதுபோல சிறுபீளை நச்சுத்  தன்மை மிக்க பூச்சிகளை விரட்டி, சுற்றுப் புறத்தை விஷப் பூச்சிகள்,  விஷக் கிருமிகளிடமிருந்து காக்கும் இயல்புடையது.

இதனாலேயே, வீடுகளில் பண்டிகைக் கொண்டாட்டங்களின் போது,  யாருக்கும் எந்த வியாதி, தொற்று பாதிப்புகளும் அணுகாமல் இருக்க,  இந்த இலைகளைக் கொத்தாக, வீடுகளின் வாசலில் கட்டி வைப்பர்.  அதனாலேயே சிறுபீளையை, பொங்கல் பூ என்று கிராமங்களில் அழைப்பர். 
 
இதே போல, பொங்கல் விழாவில் ஊரெங்கும் கட்டும் தோரணங்கள்,  மற்றும் மாடுகளின் கழுத்தில் அணிவிக்கும் மாலைகளிலும் சிறுபீளை  பூங்கொத்துக்கள் இடம் பெற்றிருக்கும். 
 
பயன்கள் 

சிறுபீளை வோ்பட்டையையும், பனைவெல்லத்தையும் சம அளவாக  எடுத்து நன்கு அரைத்து இருநூறு மி.லி பசும் பாலுடன் கலந்து தினந்தோறும்  இரண்டு வேளை அருந்தி வந்தால் நீரடைப்பு, கல்லடைப்பு போன்றவை  குணமாகும். 

சிறுபீளை சமூலம் சேர்ந்த வேர் குடிநீர்! சிறுபீளை செடியின் இலைகள்,  தண்டு, வேர், பூக்கள் இவற்றை சேகரித்துக் கொண்டு, பேராமுட்டி வேர்,  மாவிலங்க வேர், நெருஞ்சில் வேர் இவற்றை சேர்த்து, நீரில் இட்டு, கொதிக்க  வைத்து, வடிகட்டி வைத்துக் கொண்டு, சிறிதளவு தினமும் இருவேளை பருகி  வர, சிறுநீரகக் கல் பாதிப்பு மற்றும் சிறுநீரகம் சார்ந்த அனைத்து வியாதிகளும்,  பாதிப்புகளும் விலகி, உடல் நலமாகும். 

வேறுபெயா்கள் 

சிறுகண்பீளை, கண்பீளை, கற்பேதி, பெரும் பீளை போன்றவை 

தாவரப்பெயா் 

Aervalanata இது Amarantaceae என்ற தாவரக்குடும்பத்தைச் சாா்ந்தது. 

வெட்டிவோ் 

வெட்டிவோ் அனைத்துவகை மண்ணிலும் வளரும். வெட்டிவோ்  புல் இனத்தைச் சோ்ந்தது. இது பெரும்பாலும் மணற்பாங்கான  இடங்களிலும், ஆற்றுப் படுகைகளிலும் சிறப்பாக வளரும். இதன்  வோ் கருப்பு நிறமுடன் மணமாகவும் இருக்கும். இது லெமன்கிரேஸ்,  பாம்ரோஸா புல் போன்று வளரும். வெட்டிவோ்மண் அாிப்பைத் தடுக்கும்.  இதன் புற்களை பசுகளுக்கு திவனமாக கொடுக்கலாம். 

பயன்கள் 

வெட்டிவோ் குளிா்ச்சியைத் தருவதுடன் நல்ல நறுமணத்தையும்  தரக்கூடியது. வெட்டி வோ் சிறந்த மருத்துவப் பயனுடையது. இதிலிருந்து  எடுக்கப்படும் தைலமும் நறுமணம் கொண்டது. இதனை மணமூட்டியாக  தைலங்களிலும், குளியல் சோப்புகளிலும் பயன்படுத்துவண்டு.  

வெட்டிவேர் எண்ணெய்யை கொண்டு நீண்ட நாட்களாக ஆறாமல் இருக்கும்  வடுக்கள் மீது தடவி வந்தால் அவை மறைந்துவிடும். இந்த எண்ணெய்யை  தேய்த்து குளிக்கலாம். சீயக்காய்க்குப் பதில் வெட்டிவேரின் பவுடரை  பயன்படுத்துங்கள். இதை தொடர்ந்து செய்தால் முகத்தில் எண்ணெய்  வழியாது. முகம் கூடுதல் அழகுடன் காணப்படும். 

வெட்டிவேரை இரண்டு கைபிடி எடுத்து ஒரு மண் பாண்டத்தில் போட்டு  நன்கு காச்சிய சுடுநீாில் திருநீற்றுப்பச்சை விதையைப்போட்டு வைத்து  வெயில் நேரத்தில் குடித்து வர, சூட்டினால் உண்டான உடல் எாிச்சல்,  கழுத்துவலி, கோடைக்காலத்தில் ஏற்படும் கொப்பளங்கள் போன்றவை  குணமடையும். 

வேறுபெயா்கள் 

குருவோ், உசிா், வீராணம் 

தாவரப்பெயா் 

Chrysopogon Zizanioides இது Poaceae என்ற தாவரக்குடும்பத்தை சாா்ந்தது 

முந்தைய காலத்தில் எல்லாம் ஆரோக்கிய பிரச்சனைகளுக்கு இயற்கை வழிகளின் மூலம் தான் தீர்வு கண்டார்கள். உங்களுக்கும் இயற்கை வழிகளின் மூலம் தீர்வு காண வேண்டுமானால், மூலிகைகளுள் ஒன்றான தைம் மூலிகையைப் பயன்படுத்துங்கள்.

தைம்

தைம் மிகவும் ஆற்றல் வாய்ந்த மற்றும் ஒட்டுமொத்த உடலின் ஆரோக்கியத்தையும் மேம்படுத்த உதவும் மூலிகையாகும். இதில் கால்சியம், இரும்புச்சத்து மற்றும் பொட்டாசியம் இருப்பதுடன், இது நல்ல ஆன்டி-ஆக்ஸிடன்ட் போன்றும் செயல்படுகிறது.

மருந்து தொழிற்சாலைகள்

தைம் மூலிகையில் உள்ள மருத்துவ குணத்தால், இது மருந்து தொழிற்சாலைகளிலும் அதிகம் பயன்படுத்தப்பட்டு வருகிறது. அதுவும் ஸ்க்ளீரோசிஸ், லூபஸ், முடக்கு வாதம் மற்றும் ஃபைப்ரோமியால்ஜியா போன்றவற்றை சரிசெய்யும் மருந்துகளில் இந்த தைம் மூலிகை முக்கியப் பொருளாக பயன்படுத்தப்படுகிறது.

எப்படி உட்கொள்வது?

இந்த தைம் மூலிகையை டீ வடிவில் தினமும் உட்கொள்வது மிகவும் நல்லது. இதனால் அதன் மருத்துவ பண்புகள் உடலுக்கு முழுமையாக கிடைக்கும். இப்போது அந்த தைம் மூலிகையைக் கொண்டு எப்படி டீ தயாரிப்பது என்று காண்போம்.

செய்முறை:

முதலில் தைம் மூலிகையை நீரில் கழுவி, ஒரு பாத்திரத்தில் போட்டு, நீரை ஊற்றி அடுப்பில் வைத்து சிறிது நேரம் கொதிக்க வைக்க வேண்டும்.

பின் அதை இறக்கி வடிகட்டி, ஓரளவு வெதுவெதுப்பான பின் சுவைக்கு தேன் கலந்து குடிக்க வேண்டும்.

உட்கொள்ளும் முறை:

தினமும் தைம் டீயைக் குடிப்பது மிகவும் நல்லது. அதிலும் காலையில் பால் டீ அல்லது காபி குடிப்பதற்கு பதிலாக, தைம் டீ குடித்து வந்தால், உடல் பிரச்சனைகள் நீங்கி மிகச்சிறப்பான பலன் கிடைக்கும்.

இப்போது தைம் டீ குடிப்பதால் கிடைக்கும் இதர நன்மைகளைக் காண்போம்.

தைம் டீயில் பொட்டாசியம் அதிகம் உள்ளது. ஆகவே இந்த டீயை உயர் இரத்த அழுத்த பிரச்சனை உள்ளவர்கள் குடித்து வந்தால், இரத்த அழுத்தம் சீராகும்.

இரத்த சோகை உள்ளதா? அப்படியெனில் தைம் டீ குடியுங்கள். இதனால் அது உடலில் சிவப்பு இரத்த செல்களின் உருவாக்கத்திற்கு உதவி, எளிதில் இரத்த சோகையில் இருந்து விடுவிக்கும்.

அடிக்கடி சளி அல்லது ஜலதோஷம் பிடிக்கிறதா? மூச்சுக்குழாய் அழற்சி இருக்கிறதா? அப்படியென்றால் தினமும் ஒரு டம்ளர் தைம் டீ குடியுங்கள். இதனால் சளி மற்றும் உடலினுள் உள்ள அழற்சிகள் குறையும்.

பெண்கள் அதிகம் அவஸ்தைப்படும் தைராய்டு பிரச்சனைகளில் இருந்து தைம் டீ விடுவிக்கும். தைம்மில் உள்ள மருத்துவ குணங்கள், தைராய்டு ஹார்மோன்களை உற்பத்தியை சீராக்கி, தைராய்டு குறைபாட்டைத் தடுக்கும்.

தைம் மூலிகையில் கால்சியம் ஏராளமான அளவில் உள்ளது. இதனால் தைம் டீ குடிக்கும் போது, எலும்பு சம்பந்தப்பட்ட பிரச்சனைகளான முடக்கு வாதம், கீல்வாதம், மூட்டு வலி போன்றவற்றில் இருந்து விரைவில் விடுபட முடியும்.

எப்போதும் மிகுந்த களைப்பை உணர்கிறீர்களா? இந்த களைப்பு நீங்கி, உடல் சுறுசுறுப்புடன் இருக்க, காலையில் ஒரு டம்ளர் தைம் டீ குடித்து வாருங்கள். இதனால் நாள் முழுவதும் சிறப்பாக களைப்பின்றி செல்லும்.

உங்களுக்கு தொண்டைப்புண் அடிக்கடி வருமா? இந்த தொண்டைப்புண் இருக்கும் போது, தைம் டீ குடித்தால், அதில் உள்ள மருத்துவ குணத்தால், தொண்டைப்புண் விரைவில் சரியாகும்.

பயன் தரும் பாகங்கள்

இலை, தண்டு, பூ முதலியன.

தாவரப்பெயா்

THYMUS VULCARIS (LINN)

தாவரக் குடும்பம்

 N.O.LABIATAE

கீழாநெல்லி 

பொிய நோயானாலும் வீட்டிலிருந்தே சாிசெய்து கொள்ளும் திறமை  படைத்தவர்கள் நம் முன்னோர்கள். அப்படி அவா்கள் பயன்படுத்திய  மூலிகை தாவரங்களில் ஒன்றுதான் கீழாநெல்லி. கீழாநெல்லியின்  இலைகளில் ‘பில்லாந்தின்’ என்னும் மூலப்பொருள் இருப்பதால், இதன்  இலைகளில் கசப்புச்சுவை மிகுதியாக இருக்கும். பொட்டாசியம் சத்து  அதிகமாகக் காணப்படும் தாவரங்களில் கீழாநெல்லியும் ஒன்று.  இலைகளுக்குக் கீழே நெல்லிக்காயின் சிறிய வடிவமாக இதன் காய்கள்  இருப்பதால்தான் இதை ‘கீழாநெல்லி’ என்று அழைக்கிறார்கள்.  இதேபோன்று இலைகளுக்கு மேலே காய் காணப்படும் மற்றொரு  மூலிகைக்குப் பெயர் மேலாநெல்லி.  

பயன்கள் 

கீழாநெல்லி மஞ்சள்காமாலை, கண்நோய், பித்தநோய், வெப்பம்  அகற்றியாகவும், தீராத தலைவலி, கல்லீரல் பழுது, இரத்த சோகை  இவைகளுக்கு மருந்தாகும்.  

கீழாநெல்லி 4 அல்லது 5 செடி, விஷ்ணுகிரந்தி ஒரு கைப்பிடி, காிசாலை  ஒரு கைப்பிடி, சீரகம், ஏலக்காய், பறங்கிச்சக்கை வகைக்கு 5 கிராம்,  ஆங்கூா் திராட்சை 20 கிராம், தண்ணீா் இரண்டு லிட்டா் விட்டு நாலில்  ஒன்றாகச் சுறுக்கி வற்றிய பின் வடிகட்டி வைத்துக் கொண்டு வேளைக்கு  60 முதல் 90 மில்லி தினம் இரு வேளை சாப்பிட்டு வர மஞ்சள் காமாலை குணமாகும்.  

நல்லெண்ணெய் இரண்டு டீஸ்பூன், கீழாநெல்லி வேர், சீரகம் மற்றும்  பசும்பால் ஆகியவற்றை நன்றாக அரைத்து வடிகட்டி அந்தச் சாற்றைக்  குடித்தால் தலைவலி குணமடையும். 

கீழாநெல்லியின் வேரை நன்றாக அரைத்து பசும்பாலுடன் கலந்து மூன்று  வேளையும் குடித்துவந்தால், உடல் குளிர்ச்சி அடையும். தொற்று நோய்கள்  நெருங்காது. 

வேறுபெயா்கள் 

கீழ்காய் நெல்லி, கீழ்வாய் நெல்லி, காட்டு நெல்லிகாய், பூமியாமலக்,  பூளியாபாலி 

தாவரப்பெயா் 

Phyllanthus amarus இது Euphorbiaceae என்ற குடும்பத்தை சாா்ந்தது 

பிரண்டை 

பொதுவாக இது வெப்பமான இடங்களில் வளரக்கூடிய கொடிவகையைச்  சார்ந்தது. இந்தியாவிலும், இலங்கையிலும் அதிகமாகக் காணப்படுகிறது.  பிரண்டை சதைப் பற்றான நாற்கோண வடிவமான தண்டுகள் கொண்ட,  பொதுவாக ஏறுகொடி அமைப்பில் வளரும் தாவரம். மலர்கள் பச்சை கலந்த  மஞ்சள் நிறமானவை. கனிகள் சிவப்பு நிறத்தில் உருண்டை வடிவமானவை;  விதை வழவழப்பானவை; வஜ்ரவல்லி என்கிற மாற்றுப் பெயரும் உண்டு. பிரண்டைச் சாறு உடம்பில் பட்டால் அதிகமான அரிப்பும் நமைச்சலும் ஏற்படும்.  வேர், தண்டு ஆகியவை அதிகமான மருத்துவப் பயனுள்ளவை. தண்டு கார்ப்புச்  சுவையும், வெப்பத் தன்மையும் கொண்டது. 

பயன்கள் 

பிரண்டையை உலா்த்தி எடுத்து பொடியாக்க வேண்டும். ஒரு கிலோ பொடியை  3 லிட்டா் நீாில் கரைத்து வடிகட்டி அரை நாள் தெளிய வைக்க வேண்டும்  தெளிந்த நீரை பீங்கான் பாத்திரத்தில் ஊற்றி 8 லிருந்து 10 நாட்களுக்கு வெய்யிலில் காய வைக்கவும் நீா் முழுவதும் சுண்டி உலர்ந்த  பின் உப்பினை சோ்த்து வைக்கவும். இவ்வாறு செய்ததை குழந்தைகளுக்கு  வரும் வாந்திபேதிக்கு ஒரு கிராம் அளவு பாலில் இந்த கரைசலை கரைத்து  மூன்று வேளை கொடுக்க குழந்தை வாந்தி பேதி குணமாகும். சொியாமை  குணமடையும். பொியவா்களுக்கு 2லிருந்து 3 கிராம் வரை வடித்த கஞ்சியில் மோாில் கொடுக்கவும். 

மேலும் உடல் சுறுசுறுப்பு அதிகரிக்கும்; ஞாபக சக்தி பெருகும்; மூளை  நரம்புகளும் பலப்படும். இது போன்ற பல பிரச்சினைகளுக்கு பிரண்டை  ஒரு அருமருந்தாகும். 

வேறு பெயா் 

வச்சிரவல்லி 

வகைகள் 

முப்பிரண்டை, சதுரப்பிரண்டை, மூங்கில்பிரண்டை, கோப்பிரண்டை, உருண்டைப்பிரண்டை, களிப்பிரண்டை, புளிப்பிரண்டை, தீப்பிரண்டை  என்று பல வகைகள் உள்ளது. 

தாவரப்பெயா்  

Vitis Quadrangularis இது Vitaceae என்னும் குடும்பத்தை சோ்ந்தது 

சதாவேரி 

சதாவேரி என்னும் மூலிகை 1500 முதல் 4000 அடி உயரமுள்ள மலைப்  பிரதேசங்களில் நன்றாக வளர்ச்சி அடையக் கூடிய மூலிகையாகும்.  இது ஓரளவு வறட்சியை தாங்க கூடிய தாவரம் ஆகும். மெல்லிய  நறுமணமுடைய இக்கிழங்குக் கொடிகள் 6 அடி உயரம் வரை வளரக்கூடியது.  அஸ்பராகமைன் (Asparagamine), சதாவரின் (Shatavarin), சரசபோஜெனின்  (Sarasapogenin), ரெஸிமோசைட் (Racemoside) போன்ற தாவர  வேதிப்பொருட்களைக் கொண்டுள்ளது. 

பயன்கள் 

இதன் கிழங்கிலிருந்து 50 மி.லி. சாறு பிழிந்து, 50 மி.லி. வெண்ணெய் சேர்த்து, அரை லிட்டர் பால் கூட்டி நெய்யாக  உருக்கி, அதனுடன் பனை வெல்லம், தேன், திப்பிலி கலந்து செய்யப்படும்  மருந்து, உடலுக்கு வலுவைக் கொடுக்கும் ஊட்டச்சத்து டானிக். 

இதன் சாற்றோடு தேன் சேர்த்துக் கொடுக்க, செரிமானப் பாதையில்  உண்டாகும் பிரச்சினைகள் நிவர்த்தியாகும். குழந்தை ஈன்ற தாய்மார்களுக்குப்  பால் சுரப்பை அதிகரிக்க, சதாவரி லேகியம் அற்புதமான மருந்து. 

கிருமிகள் இரைப்பையைத் தாக்கும்போது, அதன் மென்படலத்தின்  செயல்திறனை இந்தக் கிழங்கின் சத்துக்கள் அதிகரித்து, வயிற்றுப்  புண்களைத் தடுக்கும் விதம் பற்றி ஆய்வு நடைபெற்று வருகிறது. நரை,  திரை, மூப்பைத் தள்ளிப்போடக்கூடிய மருந்தாகப் போற்றப்படும் இதன்  எதிர்-ஆக்ஸிகரணி தன்மை குறித்தும் நிறைய ஆய்வு முடிவுகள் இருக்கின்றன. 

வேறுபெயர்கள் 

தண்ணீா் விட்டான் கிழங்கு, நீலாவரை, சதாவரி, சதாவரை, சதாமுல்லி,  உதகமூலம் போன்றவை 

தாவரப்பெயர்கள் 

ஆஸ்பராகஸ் ரசிமோசஸ் இது Lilliaceae என்ற குடும்பத்தை சார்ந்தது.