எலுமிச்சை 

எலுமிச்சையை அரச கனி என்பர். இதன் பயன்பாடு கருதியும் மஞ்சள் நிற மங்களம்  குறித்தும் இதற்கு இப்பெயா் வைத்தனா். கடவுளுக்கு மிக உகந்தது. எலுமிச்சையின்  தாயகம் தென்கிழக்கு ஆசியா ஆகும். இது இமயமலை அடிவாரத்திலிருந்து பரவி  மேற்குத் தொடா்ச்சி மலை வரை காணப்படும். எலுமிச்சை முள்ளுள்ள சிறு மர  வகைகளைச் சாா்ந்தது. சுமார் 15 அடி வரை வளரும். தமிழகம் முழுவதும் வீட்டுத்  தோட்டங்களில் வளர்க்கப்படுகிறது. இது செம்மண்ணில் நன்கு வளரும். இது விதை  மூலம் இனப்பெருக்கம் செய்யப்படுகிறது. 

பயன்கள் 

எலுமிச்சையின் பொதுகுணமாக பித்தம் போக்கவும், சித்தம் ஆக்கவும், அறிவை  வளர்க்கவும் உதவுகிறது. வாந்தி, விக்கல், வயிற்றோட்டம் போன்றவை குணப்படுத்தும்.  பைத்தியம் தெளிவிக்கும். சித்த மருந்துகளில் துணை மருந்தாகப் பயன்படும். அது மட்டுமல்லாமல் பிற மருந்துகள் கெடாமல் பாதுகாக்கப் பயன்படுத்தப்படும். எலுமிச்சை  சாறு கொண்டு டீ போட்டால் அதற்கு தனி சுவை உண்டு. 

எலுமிச்சை பழச்சாறு, கரிசலாங்கண்ணிச் சாறு, பால் அரை லிட்டர், நல்லெண்ணை  ஒன்றரை லிட்டா் சோ்த்து காய்ச்சி வடித்துத் தலைமுடிக்கு (6 மாதம்) தடவி வர  நரைக்காமல் நீண்டு அடர்ந்து வளரும். 

இதன் இலையை புளித்த மோருடன் ஊறவைத்து பழைய சோற்றில் ஊற்றி உப்பிட்டு  காலையில் உண்டு வர உடல் வெப்பம் குறையும். பித்த சூடு தீரும் தழும்புகள் குணமாகும். 

குடற்புண், காய்ச்சல், சுரம் போன்றவைக்கு எலுமிச்சம் பழச்சாற்றில் பாலைக் கலந்தால்  அது திரிந்து நீர்த்து விடும். இதனை வடிகட்டிக் கொடுக்கலாம். பிற மருந்தான ஊசி  போட்டாலும் இதனை துணை மருந்தாகக் கொடுக்கலாம். மேலும் தற்போது பரவிக்  கொண்டிருக்கும் கொரோனா வைரஸிற்கும் எலுமிச்சை ஒரு அருமருந்தாகும். 

தாவரப்பெயா் 

Citrus medica இது Rutaceae என்ற தாவரக் குடும்பத்தைச் சோ்ந்தது. 

பூனை காலி 

பொதுவாக பூனைக்காலி வெப்பமான நாடுகளில் அதிகம் வளரும். இதன் தாயகம் ஆப்பிரிக்காவும் இந்தியாவும். இதற்கு கரிசல் மண் மற்றும் செம்மண்ணும் ஏற்றது. இது ஆறு மாதத்தில் பூத்துக் காய்விடும். காயில் சுமாா் ஏழு விதைகள் இருக்கும். காய்களின் மேல் மிருதுவான வெல்வெட் போன்ற சுனை இருக்கும். இது உடம்பில்  பட்டால் நமச்சல் ஏற்படும்.  

பயன்கள் 

பூனைக்காலி விதை, சுக்கு, திப்பிலி, கிராம்பு, கருவப்பட்டை, வெண் சித்திர வேர்ப்பட்டை,  புனைக்கண் குங்கிலியம் இவைகளை குறிப்பிட்ட அளவு எடுத்து சூரணம் செய்து,  தேவையான அளவு தண்ணீர் விட்டு அரைத்து மிளகளவு மாத்திரைகளாக உருட்டிக்  காய வைத்து எடுத்துக் கொள்ள வேண்டும். இதை காலை, மாலை இரு வேளை ஒரு  மாத்திரை வீதம் உண்டு வர வயிற்றுப்புழு, குன்மம் மற்றும் வயிறு சம்பந்தமான  நோய்கள் அனைத்தும் குணமாகும். 

ஒரு லிட்டா் பசும்பாலில் முந்நாற்று 20கிராம் பூனைக்காலி விதையைப் போட்டு,  பால் வற்றும் வரை நன்கு காய்ச்ச வேண்டும். விதையை எடுத்து நன்கு உலர  வைத்துப் பொடி செய்து கொண்டு, தேவையான அளவு நெய்விட்டு இளவருப்பாக  வறுத்து, சீனிப்பாகு இரண்டு பங்கு கலந்து நன்கு கிளறி சுண்டைக்காய் அளவு  உருட்டி தேனில் ஊறவைக்க வேண்டும். இதனை காலை, மாலை இரு வேளை ஒரு  உருண்டை வீதம் சாப்பிட பெண்களுக்கு மாதவிலக்கின் போது இரத்த அதிகமாகப்  போகுதல் குணமாகும். 

பூனைக்காலி காயை இதன் விதைகளை நீக்கி விட்டு நன்றாக உலர்த்தி இடித்து  எடுத்துக் கொள்ள வேண்டும். இதனை முறைப்படி கஷாயம் இட்டு, வடிகட்டிக்  கொண்டு அதில் சிறிது காட்டத்திப்பூ சோ்த்து நாற்பது நாட்கள் வரை மண்ணில்  புதைத்து வைத்து தக்க அளவு எடுத்து அருந்திவர ரத்தசோகை நோய் குணமாகும்.  கை, கால் வீக்கமும் குறையும். 

பூனைக்காலி வேரை முறைப்படி கஷாயமிட்டு 30மி.லி முதல் 60 மி.லி வீதம் கலந்து  அருந்தி வர வாதம், பித்தம், கபநோய் நீங்கும்.  

பூனைக்காலி வேரை அரைத்து யானைக்கால் நோயால் ஏற்பட்ட வீக்கத்திற்கும் இதர  வீக்கங்களுக்கும் பற்றிடலாம். 

பூனைக்காலி விதை தேள் கடிக்கு சிறந்த மருந்தாகப் பயன்படுகிறது. மேலும் சித்த  மருத்துவத்திற்கு பூனைக்காலியானது பல சூரணங்களுக்கு லேகியமாக  சேர்க்கப்படுகிறது. 

பூனைக்காலியின் வகைகள் 

இது கொடி வகையைச் சோ்ந்தது. இதில் கருமை, வெண்மை என இரு வகையுண்டு.  சிறு பூனைக்காலியும் உண்டு. 

தாவரப் பெயா் 

Mucuna pruriens இது Papilionaceae என்ற தாவரக் குடும்பத்தைச் சோ்ந்தது. 

நாவல் 

நாவல் என்பது பொிய மரவகையைச் சோ்ந்தது. இது இந்தியாவில் எல்லாப்  பகுதிகளிலும் வளரும். குறிப்பாக ஆற்றோரப் படுகைகளிலும் கடற்கரை ஓரங்களிலும் நன்கு வளரும். மும்பை மாநிலத்தில் எங்கும் காணப்படும்.  இந்த மரம் பலம் வாய்ந்ததாக இருக்கும். இதன் இலைகள் ஒரே மாதிாி இருக்காது.  இலை நுனி கூா்மையாக இருக்கும். நாவல் பழம் உருண்டையாக இருக்கும் ஆனால்  இதன் பாிமானங்கள் ஒரே மாதிாி இருக்காது. கனி கரு நீல நிறத்தில் இருக்கும்.  சிறிது துவா்ப்பாக இருக்கும். 100 கிராம் பழங்களில் உள்ள உணவுச் சத்துகள்: மாவுச்சத்து 19.7கிராம், புரதச்சத்து 0.7 கி, கொழுப்பு 0.1 கி, கால்சியம் 20 மி.கி,  பாஸ்பரஸ் 10மி.கி, இரும்பு 1மி.கி ஆகியவை உள்ளன. 

பயன்கள் 

தளா்ச்சி அடைந்த நாடி நரம்புகளை ஊக்கப்படுத்தும். இதன் துவா்ப்பு இரத்தத்தை  அதிகப்படுத்தும். இதன் பழம் உடலுக்கு குளிா்ச்சி தரும். இதன் பழத்தின் கொட்டை  நீரிழிவு நோய்க்கு நல்ல மருந்து.  

நாவல் இலை கொழுந்துச்சாறு ஒரு தேக்கரண்டி, 2 ஏலக்காய், லவங்கப்பட்டைத்தூளை  மிளகளவு சோ்த்துக் காலை, மாலை கொடுக்க செரிமானம் ஏற்படும். 

மா மற்றும் நாவல் மரப்பட்டையைச் சம அளவில் மண் சட்டியில் போட்டுக் காய்ச்சிய  கசாயத்தை 30 மி.லி அளவு காலை, மாலை சாப்பிட்டாலும் சீதபேதி குணமாகும்.  பட்டை கசாயத்தில் வாய் கொப்பளித்தால் வாய் புண் ஆறும்.  

மேலும் நாவல் பழத்தைத் தனியாகவே சாப்பிடலாம். இதயத்திற்கு மிகவும் பலத்தைக்  கொடுக்கும். இதயத் தசைகள் உறுதிப்படும்.  

வேறுபெயா்கள் 

நாகை, நம்பு, சம்பு, சாதவம், ஆருகதம், நேரேடு, நவ்வல், நேரேடம், சாட்டுவலம், சாம்பல்,  சுரபிபத்திரை முதலியன.  

தாவரப்பெயா் 

Eugenia jambolana இது Myrtaceae என்ற தாவரக் குடும்பத்தைச் சோ்ந்தது. 

வசம்பு 

வசம்பு என்பது ஆறு, ஏாிக்கரையோரங்களில் வளரும் ஒரு வகைப் பூண்டு. இதன்  பிறப்பிடம் தென் கிழக்கு அமொிக்கா. இது இந்தியாவில் மணிப்பூாிலும், நாகமலையிலும்  கேரளாவிலும் அதிகமாக வளா்கிறது. சதுப்பு நிலங்கள், களிமண் மற்றும் நீா் பிடிப்புள்ள  பகுதிகள் மிகவும் ஏற்றவை. வசம்பு இஞ்சி வகையைச் சாா்ந்த மூலிகை. வசம்பின்  வோ்கள் பழங்காலம் முதல் மருந்துகள் தயாாிப்பதற்குப் பயன்படுகிறது. இலைகள் 2  அல்லது 3 அடி நீளம் வரை படரும். வோ்களை தான் வசம்பு என்பா். பயிரிட்ட ஒரு ஆண்டில்  கிழங்கை வெட்டி எடுக்க வேண்டும். இந்த வசம்பில் அசரோன், அகோாின் மற்றும்  கொலாமினால் போன்ற வேதிப் பொருள்கள் உள்ளன. இது நல்ல வாசனையை உடையது.

பயன்கள் 

நாட்பட்ட கீல் வாத நோய்களுக்கு வசம்பை காசிக் கட்டியுடன் சோ்த்து நீா் விட்டு  அரைத்து பற்றிட்டு வர குணமாகும்.  

வசம்பை வறுத்துப் பொடித்துக் கால் கிராம் தேனில் கொடுத்து வர சளி, வாயு  ஆகியவற்றை அகற்றி பசியை தூண்டும். 

வசம்பைச் சுட்டுச் சாம்பலாக்கி தேனில் குழைத்து நாவில் தடவ வாந்தி, ஓங்கறிப்பு  நீங்கும். 

வசம்பைக் கருக்கிப் பொடித்து 100மி.கி அளவாகத் தாய் பாலில் கலக்கி சிறு  குழந்தைகளுக்குக் கொடுக்க வயிற்றுப் பொருமல், வயிற்றுப் போக்கு வயிற்றுவலி  ஆகியவை தீரும். 

வசம்புத் துண்டை வாயிலிட்டுச் சுவைக்க, உமிழ்நீா் அதிகம் சுரக்கும். தொண்டைக்  கம்மல் இருமலை அகற்றும்.  

வசம்பை தூள் செய்து தேனுடன் கலந்து திக்குவாய் உடையவா்கள் தினந்தோறும்  காலையில் நாவில் தடவி வர பேச்சு  சாி ஆகும். 

வசம்பு, பெருங்காயம், திரிகடுகு, கடுக்காய்த்தோல், அதிவிடயம், கருப்பு உப்பு சம  அளவு இடித்துப் பொடித்து ஒரு தேக்கரண்டி காலை, மாலை கொடுத்துவர வயிற்றுவலி,  மூர்ச்சை, காய்ச்சலுக்குப் பின் உண்டாகும் பலக்குறைவு, பயித்தியம், காக்காய்வலிப்பு  ஆகியவை தீரும். 

வேறுபெயா்கள் 

போ் சொல்லா மருந்து, பிள்ளை வளா்த்தி மற்றும் உரைப்பான். 

தாவரப்பெயா் 

Acorus calamus இது Aroidaceae என்ற தாவரக் குடும்பத்தைச் சாா்ந்தது. 

ஆகாயத்தாமரை 

ஆகாயத்தாமரை என்பது நீரில் மிதந்து கூட்டம் கூட்டமாக வளரக் கூடியது. இது ஒரு  சிறு செடியாகும். சுத்தமான தண்ணீாில் வளரக் கூடியது. இலைகள் எதிா் அடுக்கில்  ஜோடியாக இருக்கும். கூடை வடிவ இலையுடன் இளம்பச்சை நிறமாக இருக்கும். இது  முதன் முதலில் ஆப்பிரிக்காவில் Lake Victoria என்ற ஏரியில் தோன்றியதாகச் சொல்வா்.  இது அமெரிக்காவில் 1765ம் ஆண்டில் புளோாிடா என்ற இடத்தில் ஏரிகளில் கண்டு  பிடிக்கப்பட்டதாகச் சொல்வா். இதை ஆங்கிலத்தில் Water Cabbage மற்றும் Water Lettuce என்றும் கூறுவாா்கள். இது தமிழகமெங்கும் குளம் குட்டைகளில் வளா்வது  இதன்  பூக்கள் செடி நடுவில் மிகச் சிறியதாகத் தென்படும். 

பயன்கள் 

இதன் இலையை அரைத்துக் கரப்பான், தொழு நோய்ப்புண் ஆகியவற்றின் மீது வைத்துக்  கட்டி வர விரைவில் ஆறும்.  

25 மி.லி இலைச்சாற்றை சிறிது தேனுடன் காலை, மாலை 5 நாட்கள் கொடுக்க உடலில்  உள்ள கிருமிக் கூடுகள் மறையும்.  

இதன் இலைச்சாறு அரை லிட்டா், நல்லெண்ணைய் ஒரு லிட்டா் ஆகியவற்றைக்  கலந்து சிறு தீயில் காய்ச்சி வண்டல் மெழுகுப் பதமான நிலையில் கிச்சிலிக் கிழங்கு,  சந்தனத்தூள், வெட்டிவோ், கஸ்தூாி மஞ்சள், சாம்பிராணி வகைக்கு 10 கிராம் பொடித்துப்  போட்டு இறக்கி வடித்து வைக்கவும். தைலம் போல் இருக்கும் இதனை வாரம் ஒரு  முறை தலைக்கிட்டுக் குளித்து வர உட்சூடு, கண்ணெரிச்சல் ஆகியவை தீரும். 

வேறுபெயா் 

அந்தரத்தாமரை 

தாவரப்பெயா் 

Pistla strateutes இது Araceae என்ற தாவரக் குடும்பத்தைச் சாா்ந்தது. 

மகிழ மரம் 

மகிழ மரம் தமிழ்நாட்டில் எல்லா இடங்களிலும் வளரக் கூடியது. மேற்குத் தொடா்ச்சி  மலைகளில் தானே வளா்கிறது. நாம் வீடுகளில், திருமண நாள், பிறந்த நாள், புது  வருடம் போன்ற விஷேங்களுக்கு எப்படி நமக்கு பொியவா்கள் மற்றும் மூத்தோாிடம்  ஆசீா்வாதம் பெறுகிறோமோ அதே போல் சில பசுமையான நறுமணம் கமழும்  மலா்களைக் கொண்ட மரங்களைக் காணும் போதும், அவற்றின் அருகே செல்லும் போதும், நமக்கு இறை ஆசீா்வாதம் கிடைத்தது போன்ற உணா்வுகள் ஏற்படும்  அல்லவா அதில் மகிழம் மரமும் ஒன்று. இதன் பூா்வீகம் வட ஆசியா, தென்கிழக்கு  ஆசியா மற்றும் வட ஆஸ்திரேலியா ஆகும். நல்ல நிழல் தரும் மரம் இது. மனதை  கவரும் இனிய மணமுடைய கொத்தான வெள்ளைப் பூக்களையும் மஞ்சள் நிற  சாப்பிடக் கூடிய பழங்களையும் உடைய மரம்.  

பயன்கள் 

மகிழமரத்தின் பூ 50 கிராம், 300 மில்லி நீாில் போட்டு 100 மில்லியாகக் காய்ச்சி  பாலும் கற்கண்டும் கலந்து இரவு  உணவிற்குப் பின் குடித்துவர உடல் வலிமை  பெறும்.  

கருவேலம் பற்பொடியில் பல் துலக்கி மகிழ இலைக் கொண்டு காய்ச்சிய நீாில்  வாய்க் கொப்பளித்தால் பல் தொடா்பான பிரச்சனைகள் நீங்கும். மகிழம் காயை  வாயில் இட்டு மென்று துப்ப, பல் ஆட்டம் நீங்கும்.  

மகிழும் பூவை காயவைத்து அரைத்துப் பொடியாக்கிப் பாலில் காலை, மாலை  அருந்தி வர காய்ச்சல் தலைவலி, உடல் வலி, கழுத்து, தோள்பட்டை வலி போகும்.  அறிவு வளர்ச்சிக்கு இது ஒரு அருமருந்து.  

வேறுபெயா்கள் 

வகுளம், இலஞ்சி, கேசரம் போன்றவை 

தாவரப்பெயா் 

Mimusops elengi இது Sapotaceae என்ற தாவரக் குடும்பத்தைச் சாா்ந்தது. 

வாதநாராயணன் 

இந்த மூலிகையின் தாயகம் காங்கோ, எகிப்து, கென்யா, சூடன், உகண்டா,  எத்தோபியா போன்ற நாடுகள் ஆகும். பின் இந்தியா, ஸ்ரீலங்கா, பாக்கிஸ்தான்  ஆகிய நாடுகளுக்குப் பரவியது. இது ஒரு மரவகையைச் சாா்ந்தது. செம்மண்ணில்  நன்கு வளரும். ஆற்றங்கறைகளில் அதிகம் காணப்படும். வெப்ப நாடுகளில்  ஏராளமாகப் பயிராகும். வீடுகளிலும், தோட்டங்களிலும் இதனை வளா்ப்பாா்கள்.  இது கால்நடைகளுக்கு நல்ல தீவனம். மே, ஜீன் மாதங்களில் காய்கள் விடும். 

 பயன்கள் 

இந்த மூலிகையை எள் நெய்யில் வதக்கி, உளுந்துப் பருப்பு, பூண்டு, இஞ்சி,  கருவேப்பிலை, கொத்துமல்லி, மிளகாய், உப்பு, புளி சோ்த்து துவையல் அரைத்து  வாரம் ஒரு முறை உணவில் சாப்பிட பேதியாகும். அதோடு வாத நோய் தீரும்.  

இலையை இடித்துப் பிழிந்த சாறு 500 மி.லி சிற்றாமணக்கு நெய் 500 மி.லி பூண்டு 100 கிராம், சுக்கு, மிளகு, திப்பிலி வகைக்கு 30 கிராம், வெள்ளைக் கடுகு 20 கிராம் எல்லாம் ஒன்றாகச் சோ்த்துக் காய்ச்சி, பதத்தில் வடித்து வைத்து இதில் 5லிருந்து 10 மில்லி உள்ளுக்குக் கொடுத்து வெந்நீா் அருந்த வாத நோய் குணமாகும்.  மேல் பூச்சாக பூசினால் கீழ் வாதம், முடக்கு வாதம், நரம்பு தளா்ச்சி, கை கால்  குடைச்சல், மூட்டு வீக்கம், இடுப்பு வலி, இளம்பிள்ளை வாதம், இழுப்பு, சன்னி  போன்றவை குணமாகும். 

சொறி, சிரங்கிற்கு இதன் இலையுடன் குப்பைமேனி இலை, மஞ்சன் இரண்டையும்  சோ்த்து அரைத்து மேலே தடவிய பின் குளிர்ந்த நீரில் குளித்து வர அவை நீங்கும். 

இதன் இலையில் செய்த சூரணத்தை 500கிராம் அளவு வெந்நீாில் கலந்து குடிநீராக  குடிக்க வாய்வுத் தொல்லை மற்றும் வயிற்று வலி குணமாகும். 

வேறு பெயா்கள் 

வாதரக்காட்சி, ஆதிநாராயணன், வாதரசு, தழுதாழை, வாதமடக்கி எனவும்  ஆங்கிலத்தில் Tiger beam,  White gulmohur என்றும் அழைப்பா். 

தாவரப்பெயா் 

Delonix elata இது Caesal pinioideae என்ற தாவரக் குடும்பத்தைச் சாா்ந்தது. 

அவுரி 

அவுரி செடி அதிக மூலிகை தன்மை வாய்ந்தது. செடி முழுவதுமே பயன் உள்ளவை.  இதனால் இதனை ஆயுா்வேதம் மற்றம் சித்த மருத்துவங்களில் அதிகளவு பயன் படுத்தப்படுகிறது. இச்செடி எங்கிருந்து தோன்றியது என்று உறுதியாகக் கூற முடியாவிட்டாலும், இது வெப்பமண்டலப் பகுதிகளிலும், ஆப்பிரிக்காவின் சில  பகுதிகளிலும் பயிரிடப்படுகின்றது. நெடுங்காலமாக உலகெங்கிலும் ஊதா நிறச்  சாயத்திற்கு நிறச் சாயம் பெற்றாலும், இன்றும் இதன் வழி பெறும் நிறம் தரும்  பொருட்கள் பயன்பாட்டில் உள்ளது. 

பயன்கள் 

அவுரி எனும் மூலிகை நிறைய பயனை அளிக்கின்றது. தோல் நோய், கண் நோய்,  மஞ்சள் காமாலை, பல வகையான விஷக்கடிகளுக்கு, பெண்களுக்கு மாதவிடாய்  கருப்பை போன்ற பிரச்சனைகளுக்கும் நல்ல பலனை அளிக்கும். மேலும் அவுரி செடியில் இருந்து சில வண்ண சாயங்கள் தயாாிக்கவும் பயன்படுத்துகின்றனா்.

தோல் நோய் 

அவுாி இலையினை நன்கு சுத்தம் செய்து வைத்துக் கொள்ளுங்கள். பின் இதனுடன்  சிறிதளவு மிளகுடன் இரண்டு டம்ளா் தண்ணீா் இட்டு ஒன்றாக சோ்த்து நன்கு காய்ச்ச  வேண்டும். அதாவது இரண்டு டம்ளா் தண்ணீா் ஒரு டம்ளா் அளவுக்கு வரும் வரை காய்ச்ச  வேண்டும். இதனை தொடா்ந்து ஏழு நாட்கள் அருந்திவர தோல் சம்பந்தப்பட்ட அனைத்து  நோய்களும் குணமடையும். 

மஞ்சள் காமாலை 

மஞ்சள் காமாலைக்கு ஒரு கொட்டைப் பாக்கு அளவிற்கு அவுரி இலையை நன்கு  அரைத்துக் கொள்ளுங்கள். அதனை காய்ச்சிய வெள்ளாட்டுப்பாலில் ஒரு டம்ளா்  அளவிற்கு கலக்கி, வடிகட்டி காலையில் வெறும் வயிற்றில் தொடா்ந்து மூன்று  நாட்கள் குடித்துவர மஞ்சள் காமாலை குணமாகும். 

இதே போல் அவுரி இலையினை சிறிதளவு அரைத்து பாம்புக் கடிக்கும் முதலுதவியாக  கொடுக்கலாம்.  

அவுரி இலை ஹோ் டை 

இயற்கையான முறையில் தங்களது தலைமுடியை கருமையாக்க அவுரி இலை  ஹேர் டை தயாா் செய்யும் முறை மற்றும் பயன்படுத்தும் முறை. 

தேவையான பொருட்கள் 

மருதாணி பவுடா் –  1கப் 

அவுரி இலை பவுடா்  –  கப் 

அவுரி இலை ஹோ் டை பயன்படுத்தும் முறை 

முதல் நாள் இரவே மருதாணி பவுடரை தண்ணீரில் கரைத்து பேஸ்டாக கலக்கி  வைக்கவும். பின் மறுநாள், எண்ணெய் இல்லாத முடியில் மருதாணி பேஸ்டை  தலையில் அப்ளை செய்து ஒரு மணி நேரம் கழித்து வெறும் தண்ணீரில் அலசி  விடுங்கள். 

பின் முடியை நன்கு உலா்த்திய பிறகு, அவுரி இலை பொடியை தண்ணீர் கலந்து  பேஸ்ட் போல் தயாா் செய்து கொள்ளுங்கள், இதனை உடனே தலை முடியில் அப்ளை  செய்து, மீண்டும் ஒரு மணி நேரம் ஊறவிட்டு பின்னா், முடியை வெறும் தண்ணீரில்  அலச வேண்டும். இந்த முறையில் தங்கள் முடிக்கோ மண்டைக்கோ எந்த வித  பக்கவிளைவுகளையும் ஏற்படுத்தாது. 100 சதவீதம் இயற்கையானது. ஒரு மாதம் வரை முடி கருப்பாக இருக்கும். பிறகு மீண்டும்  வெள்ளையானால் மீண்டும் இதே போல செய்து தலை முடியில் அப்ளை செய்து  கொள்ளலாம். 

வேறுபெயா் 

அவுரி இலையை நீலி என்று அழைப்பா். 

தாவரப்பெயா் 

Indigofera tinctoria இது Fabaceae என்ற தாவரக் குடும்பத்தைச் சாா்ந்தது. 

மிளகு 

இந்தியாவிலும் தமிழ்நாடு, கேரளா, குடகு மலை போன்ற பகுதிகளில் பயிராகிறது. இந்தியாவிலிருந்து ஐரோப்பா, சைனா, மத்திய கிழக்கு நாடுகள் வட ஆப்பிாிக்கா போன்ற நாடுகளுக்கு பரவிற்று. 16ம் நூற்றாண்டில் ஜாவா, சுமத்திரா, மடகாஸ்கா் மற்றும் மலேசியாவுக்குப் பரவிற்று. மிளகு ஒரு கொடிவகையைச் சாா்ந்தது.  இதன் இலைகள் வெற்றிலை போல் பொிதாக இருக்கும். இதன் காய்கள் ஒரு  சரத்திற்கு 20லிருந்து 30க்கு மேல் இருக்கும். பச்சையாக எடுத்து அதன் நிறம்  மாறாமல்  பதம் செய்தும் வைக்கலாம். முற்றிய பழத்தைப் பறித்து வெய்யிலில் நன்கு  காயவைத்தால் அது கரு மிளகாக சுண்டி சிறுத்து மாறிவிடும்.  

பயன்கள் 

”பத்து மிளகு கையிலிருந்தால் பகைவன் வீட்டிலும் உண்ணலாம்” என்பது பழமொழி.  மிளகு காரமும் மணமும் உடையது. உணவைச் சொிக்க வைக்கும். விட்டு விட்டு  வருகின்ற  காய்ச்சலுக்கு நொச்சிக் கொழுந்து, மிளகு இலை, மிளகாய் இலை,  துளசியிலை, இலவங்கம் இவை ஒவ்வொன்றையும் சம எடையாக எடுத்து அரைத்து  ஒரு கிராம் வீதம் தினம் இரண்டு வேளை உண்ண காய்ச்சல் குணமடையும். 

பொதுவாக உடலில் ஏற்படுகின்ற வலிகள், அடிப்பட்ட வீக்கங்களுக்கு மிளகிலை,  தழுதாழை இலை, நொச்சியிலை ஆகியவற்றை சம அளவாக எடுத்து தண்ணீாில்  இட்டு அடுப்பேற்றி நன்கு காய்ச்சி அந்த சூடான நீாில் நல்ல துணியை நனைத்து  ஒத்தணம் இட நல்ல பலன் கிடைக்கும். 

தொண்டைக் கம்மல், வயிற்றில் உண்டாகும் வாய்வுத் தொல்லைகள் நீங்க மிளகை  நன்கு பொடி செய்து 50கிராம் எடுத்துக் கொண்டு, அதனோடு தண்ணீா் 600 மி.லி  சோ்த்து 30 நிமிடங்கள் நன்றாகக் காய்ச்சி வடிகட்டிக் கொண்டு 25 மி.லி அளவாக  மூன்று வேளை அருந்தி வர நல்ல பலன் கிடைக்கும். 

மிளகு எல்லாவித விஷங்களுக்கும் ஒரு சிறந்த முறிவாகப் பயன்படுகிறது. ஒரு கைப்பிடி  அறுகம் புல்லையும், பத்து மிளகையும் நைய இடித்து கசாயமிட்டு அருந்தி வந்தால் சகல  விசக்கடிகளும் முறியும். 

மிளகுத் தூளும் சாதாரண உப்புத் தூளும் கலந்து பல் துலக்கி வர பல் வலி, சொத்தைப்  பல், ஈறுவலி, ஈற்றிலிருந்து ரத்தம் வடிதல், வாயில் துா்நாற்றம் ஆகியவை விலகும். 

மிளகை அரைத்து நெற்றியில் பற்றிட தலைவலி போகும். மிளகைச் சுட்டு அதன்  புகையினை இழுத்தால் தலைவலி தீரும். சளியும் குணமாகும். பொடி போல்  மூக்கில் உறிஞ்சினாலும்  தலைவலி தீரும். 

இப்படி அதீத நற்குணம் உள்ள மிளகை நாம் நம் அன்றாட வாழ்வில் நம் உணவில்  பயன்படுத்தினால் நம் நோய் நொடியின்றி நற்வாழ்வு வாழலாம். 

வேறுபெயா்கள் 

மலையாளி, குறுமிளகு மற்றும் கோளகம் 

தாவரப்பெயா் 

Pipernigrum இது Piperaceae என்ற தாவரக் குடும்பத்தைச் சாா்ந்தது. 

பனை 

பனை என்பது ஒரு கற்பக மரமாகும். பனை இந்தியாவில் தமிழ்நாட்டிலும் இலங்கையிலும் அதிகமாகக் காணப்படும். இது எல்லா மண்வளத்திலும் வளரக்கூடியது. வறட்சியைத் தாங்கி வளரக்கூடியது. பனை வைத்தவனுக்குப் பயன் தராது என்பா். ஆனால் பலன் இல்லாமல் போகாது பனை வைத்தவருக்கு அடுத்த தலைமுறையினா் என நூறு ஆண்டுகளுக்கு மேல் பனை பயன் அளிக்கும். இதன் வளா்ச்சி ஆரம்பத்தில் மெதுவாக இருக்கும். இது தொண்ணூறு அடிக்கு  மேல் வளரும். இதன் ஒவ்வொரு பாகங்களும் நமக்கு பயன் அளிக்கும்.  

பயன்கள் 

பனை மூலம் கிடைக்கும் நுங்கு வெயிலின் கொடுமையைக் குறைக்க மனிதனுக்குக்  கிடைத்த அருமருந்தாகும். எல்லா வயதினருக்கும் ஏற்ற சிறந்த சத்துணவாகும். நுங்கின்  நீா் வோ்க்குருவிற்குத் தடவ குணமாகும். 

பனை மரத்தின் பால் தெளிவு எனப்படும். சுண்ணாம்பு கலவாதது கள் எனப்படும்.  தினமும் இதன் பாலை 100 அல்லது 200 மி.லி அருந்தி வந்தால் போதும். உடல்குளிா்ச்சி  பெறும். ஊட்டம் பெறும். வயிற்றுப் புண் நிச்சயம் ஆறிவிடும். சுண்ணாம்பு சோ்த்த  தெளிவு எல்லோருக்கும் சிறந்த சுவையான சத்தான குடிநீராகும். அதைக் காய்ச்சினால்  இனிப்பான கருப்பட்டி கிடைக்கும். 

பனை உடலுக்கு ஊட்டத்தை அளிக்கும் அது மட்டுமில்லாமல் குளிா்ச்சிளை தந்து  வெப்பத்தைத் தணிக்கும். சுவையில் துவா்ப்பும் இனிப்பும் கலந்து காணப்படும்.  

பனங்கொட்டையை மிருதுவான மண் அல்லது ஈர மணலில் புதைத்து வைத்து இரண்டு  மூன்று இலை விட்ட பின் தோண்டி கொட்டைக்குக் கீழ் உள்ள நீண்ட கிழங்கை எடுத்து  வேக வைத்துச் சாப்பிட்டால் மிகச் சிறந்த ஊட்ட உணவாகும். சிறுக் குழந்தைகளுக்கு  உடலைத் தேற்றும். 

மேலும் பனை மரத்தில் கயிறுகள், கைவினைப்பொருட்கள், கூரை மேய்வதற்கு, வேலி  அடைப்பதற்கு என்று இப்படி பனை மரத்தில் எல்லா பாகமும் உபயோகமாக பயன்படுகிறது. 

பனையின் வகைகள் 

இது கூந்தல் பனை, கரும்பனை என இரு வகைப்படும். 

தாவரப்பெயா் 

Borassus flabellifera இது Arecaceae என்ற தாவரக் குடும்பத்தைச் சாா்ந்தது.