மூக்கிரட்டை 

நாம் அனைவரும் அக்காலத்திலிருந்தே கீரைகளை தவறாமல் சாப்பிட்டு வருகின்றோம். ஆனால் நமக்கு தொிந்து கீரைகள் எல்லாம் அரைக்கீரை, முளைக்கீரை, தண்டங்கீரை, முருங்கைகீரை இன்னும் சில…. இருப்பினும் பொதுவாகவே கீரைகளில் நம் உடலுக்கு தேவையான சத்துக்களை அளிக்கக்கூடிய பலவகையான ஊட்டச்சத்துக்கள் உள்ளன. 

அப்படி பல நன்மைகளைக் கொண்ட கீரையான நமக்கு தொியாத நாம்  பயன்படுத்தாத கீரையில் ஒன்று தான் “மூக்கிரட்டை” கீரை ஆகும். இந்த கீரை நம்  வீட்டை சுற்றியும், புள்ளி வெளியிலும், சாலையோரங்களிலும் தரையில் படா்ந்திருக்கும்.  

இந்த மூக்கிரட்டை கீரை தரையோடு படர்ந்து வளரும் சிறு கொடி. இதன் இலைகள் மேல் புறம் பச்சையாகவும் கீழ் புறம் வெழுத்து சாம்பல் நிறத்திலும் நீள்வட்டமாக எதிா் அடுக்கில் இருக்கும். செந்நிறச் சிறு பூக்களையும் சிறு மெல்லிய கிழங்கு போன்ற வேர்களையும் உடைய கொடி. இது தமிழகமெங்கும் தோட்டங்களிலும், தரிசு நிலங்களிலும் தானே வளர்கிறது. இதன் தாயகம் இந்தியா பின் பசிபிக்கிலும்,  தென் அமொிக்காவிலும் பரவிற்று. இது செப்டம்பர் முதல் டிசம்பர் மாதங்களில்  பூத்துக்காய்க்கும்.  

பயன்கள் 

பொதுவாகவே கீரை என்றாலே அதில் அதிக ஊட்டச்சத்து இருக்கும். ஆனால் தொியாத  மற்றும் நம் இருப்பிடம் அருகிலேயே தானே முளைக்கும் கீரை போன்ற தாவரங்களை  நாம் அறிவதில்லை அதன் பயன்களையும் அனுபவிப்பதில்லை. இது போன்ற கீரைகளில்  ஒன்றான கீரைதான் மூக்கிரட்டை இதில் என்ன என்ன பயன்கள் உள்ளன என்பதை  பாா்க்கலாம். 

• ஒரு பிடி மூக்கிரட்டை வேரும், 4 மிளகும், 100 மி.லி விளக்கெண்ணையில்  வாசனை வரக் காய்ச்சி ஆறவிட்டு வடிகட்டி வைத்துக்  கொண்டு 6 மாதக்  குழந்தைக்கு 15 மி.லி அளவும் அதற்கு மேல் வயதினருக்கு 30 மி.லி அளவும் வாரம்  ஒரு முறை அல்லது இரண்டு முறை கொடுத்து வர மலச்சிக்கல், மூலம், சொறி சிரங்கு,  வாந்தி, செரியாமை ஆகியவைக் குணமடையும். 

• ஒரு பிடி மூக்கிரட்டை வேர் மற்றும் அருகம்புல் ஒரு கை பிடி மேலும் மிளகு  10 எண்ணிக்கை  எடுத்து மூன்றையும் பொடித்து அரை லிட்டா் தண்ணீாில்  போட்டு கால் லிட்டராகக் காய்ச்சி வடிகட்டி மூன்று வேளையாகத் தினமும்  குடித்து வர கீல் வாதம், ஆஸ்துமா, கப இருமல், மூச்சுத் திணரல் தீரும். 

• 4 மிளகு, ஒரு பிடி மூக்கிரட்டை வேர், உந்தாமணிச்சாறு 50 மி.லி ஆகியவற்றை  100 மி.லி விளக்கெண்ணையில் காய்ச்சி வாரம் 2 கொடுத்து வர குழந்தைகளுக்கு  ஏற்படும் காமாலை, இருமல், சளி, இழுப்பு, அடிக்கடி சளி, காய்ச்சல் போன்றவை  குணமாகும். 

• பல்வேறு காரணங்களினால் இப்பொழுது பலருக்கு கண் பார்வையில் தெளிவின்மை,  கிட்டப்பாா்வை, தூரப்பாா்வை மற்றும் சில குறைபாடுகள் ஏற்படுகின்றன. இந்த  பிரச்சினைக்கு மூக்கிரட்டை செடியின் வேரினை நன்கு காயவைத்து பொடி செய்து  வைத்து கொள்ளவும். இவற்றை இளம் சூடான நீரில் கலந்து பருகிவந்தால் கண்கள்  சம்மந்தமான அனைத்து பிரச்சினைகளும் குணமாகும். கண்கள் மிக தெளிவாக  தொியும். 

• மூக்கிரட்டை, சிறுகுறிஞ்சான், நெருஞ்சில், மிளகு, சீரகம், திப்பிலி இவற்றை சமமாக  எடுத்துக் கொண்டு தூளாக்கி தினமும் இரு வேளை தேனில் கலந்து உண்டு வர,  உடல் எடை குறையும். 

• இதன் இலையைப் பொறியல், துவையலாக வாரம் இரண்டு முறை சாப்பிட்டு வரக்  காமாலை, சோகை, வாயு நோய்கள் வராமல் தடுக்கலாம். 

• மூக்கிரட்டைப் பட்டை வேர் 20 கிராம், மாவிலங்கு மரப்பட்டை 20 கிராம், வெள்ளைச்  சாரணை வேர் 20 கிராம் மூன்றையும் பொடியாக இடித்து முதல் நாள் இரவில் 250 மி.லி  தண்ணீரில் ஊற வைத்து வடி கட்டி அதனுடன் 60 மி.லி கிராம் நண்டுக்கல் பற்பம்  சோ்க்க வேண்டும். தினமும் பல் துலக்கியதும் இதை அருந்திவர 2 அல்லது மூன்று  மாதங்களில் முக வாத நோய் நிரந்தர குணம் ஏற்படும். 

• மாதத்தில் ஒரு முறை மூக்கிரட்டை கீரை மற்றும் அதன் வேர் ஆகியவற்றை காய  வைத்து அவற்றை பொடி செய்து நீரில் வேகவைத்து பருகி வந்தால் உடலில் உள்ள  நச்சுக்கள் மற்றும் கழிவுகள் அனைத்தும் நீங்கி இரத்தம் சுத்தமாகும். 

பயன் தரும் பாகங்கள் 

இலை, தண்டு, வேர் மற்றும் விதை ஆகியவை 

வேறு பெயா்கள் 

மூக்குறட்டை, சாட்டரணை, மூச்சரைச்சாரணை முதலியன 

தாவரப்பெயா் 

Boerhaavia diffusa இது Nyctaginaceae என்ற தாவரக் குடும்பத்தைச் சோ்ந்தது. 

ஆரை 

ஆரை என்பது ஒரு நீா் தாவரம். இது 3000 ஆண்டுகளுக்கு முன்பே உணவாகப் பயன்படுத்தியுள்ளாா்கள். மத்திய, தெற்கு ஐரோப்பாவில் காணப்பட்டது. பின் ஆப்கானீஸ்தான், இந்தியா, சைனாவுக்குப் பரவிற்று. நூறு ஆண்டுகளுக்கு முன்பு வட அமொிக்காவில் காணப்பட்டது. இந்த தாவரம் செங்குத்தாக வளர்ந்து தண்டில் நான்கு கால் வட்ட இலைகளை கொண்ட மிகவும் சிறிய செடி இது.  ஆற்றங்கரை,  குளம், ஏரிக்கரைகளிலும், மணல் பாங்கான ஈரமான இடங்களிலும் நன்கு தானே  வளர்கிறது. இது தண்ணீரில் மிதக்கும் மற்றும் தரையிலும் வளரும். இதற்கு லேசான  நிழல் தேவைப்படும். கரிமல வாயு குறைந்து எடுத்துக் கொள்ளும். வளர்ச்சி மெதுவாக  இருக்கும். இதில் வேற வகைகளும் உண்டு. இதன் இலைகள் பச்சையாக இருக்கும். இது  தொடா்ச்சியாக வேர் விட்டுப் படா்ந்து வளரும். இது சுமாா் ஒரு அடி நீளமும் அதன்  வேருடன்  இரண்டு அங்குலம் வெட்டி இன விருத்தி செய்வாா்கள். 

பயன்கள் 

• ஆரை மூலிகை வெப்பம் நீக்கித் தாகம் தணிக்கும் தன்மையுடையது. 

• பாம்புக் கடியைக் குணப்படுத்த வல்லது. 

• தாய்ப்பாலை நிறுத்த இதன் கீரையைச் சமைத்து உண்ணலாம். 

• இதன் இலையை நிழலில் உலா்த்திப் பொடி செய்து 30 கிராம் தூளை அரை லிட்டா்  நீரில் போட்டுப் பாதியாகக் காய்ச்சி, பாலும் பனங்கற்கண்டும் கலந்து காலை, மாலை  பருகி வர அதிதாகம் மற்றும் சிறுநீர் பிரச்சினைகள் தீரும். 

• ஆரைக் கீரை மருத்துவ சிறப்பு மிக்கது. இதனை வெங்காயம், மிளகு, தேங்காய், உப்பு  சோ்த்துப் பொாியல் செய்து உணவுடன் அடிக்கடி சோ்த்து சாப்பிடலாம். 

• இது நீரிழிவு நோயைக் குணப்படுத்தும் ஆற்றல் மிக்கது. இந்தக் கீரையை  நிழலில் உலர்த்தி எடுத்து உரலில் போட்டு நன்றாக இடித்துத் தூளாக்கி சுத்தமான  துணியில் சலித்துப் பாட்டிலில் பத்திரப்படுத்திக் கொள்ள வேண்டும். அதில் இரண்டு ஸ்பூன் தூளை எடுத்துக் கொதிக்கும் ஒரு டம்ளர் நீரில் போட்டு மூடி  வைத்தால் சில நிமிடத்தில் டிகாஷன் போல ஆகிவிடும். நீரிழிவு நோய்க்கு இந்த முறையில் சூரணம் செய்து சாப்பிடலாம்.  

பயன் தரும் பாகங்கள் 

இலைகள் 

வேறு பெயா்கள் 

ஆராக்கீரை, ஆலக்கீரை என்பன ஆங்கிலத்தில் European water clover என்று சொல்வா். 

தாவரப்பெயா் 

Marsilea quadrifolia இது Marsileafeae என்ற தாவரக் குடும்பத்தைச் சாா்ந்தது.  

முள் சீதா 

முள்ளுசீதா என்பது ஒரு பழம் தரும் மர வகையைச் சோ்ந்தது. இது எல்லா வகை மண்ணிலும் வளரக்கூடியது. புற்று நோய்க்கு கொடுக்கும் பிற மருந்துகளை காட்டிலும் முள் சீத்தாப்பழத்தில் அதிக எதிா்ப்பு சக்தி இருக்கின்றது என்று சித்த மருத்துவ ஆய்வில் கூறப்பட்டுள்ளது. இதனை கேன்சர் கில்லர் எனவும் அழைக்கப்படுகிறது. மொத்தத்தில் எல்லா வகையான புற்று நோய்களுக்கும் முள் சீத்தாப்பழம் அருமருந்தாக இருந்து வருகிறது. இதன் தாயகம் தெற்கு அமொிக்காவைக் கொண்டது. இந்த மரம் ஈரப்பதம் மிகுந்த வெப்ப மண்டலங்களான தமிழ்நாடு, கேரளா மற்றும் கா்நாடகாவில் காணப்படுகிறது. இது கிராவியோலா (Graviola) என்றும் அழைக்கப்படுகிறது. இந்த பழங்களுக்கு தனித்துவமான  அமிலச்சுவை உண்டு. பழத்தின் மேற்பரப்பில் காணப்படும் முட்கள், விசித்திரமான வாசனைகளை பரப்பவும், மற்ற சீத்தாப்பழவகைகளில் இருந்து வேறுபடுத்தியும்  காட்டுகிறது. 

இந்த முள்ளு சீதா சுமாா் 20 லிருந்து 30 அடி உயரம் வரை வளரக்கூடியது. தமிழகமெங்கும் தோட்டங்களிலும் வேலிகளிலும் ஆற்றுப்படுகைகளிலும் காணப்படும். இதன் இலைகள் கிளைகளில் எதிா் அடுக்கில் அமைந்திருக்கும். நீள வாக்கில் கொய்யா இலை போன்று காணப்படும். இதன் பூக்கள் இலைக்கு எதிா் பக்கத்தில் காம்புப் பகுதியில் பூக்கும். ஒன்று  அல்லது இரு பூக்கள் பூக்கும். பூ இதழ்கள் கெட்டியாக இருக்கும். இதன் இதழ்கள் இதய வடிவில் இருக்கும். இதன் சூழ் முடிகளால் சிகப்பாக சூழ்ந்திருக்கும். இதன் காய்கள் பச்சையாக சிறு சிறு முள் நுனிகளுடன் ஓவல் போன்று பொிதாக இருக்கும். உள் பாகத்தில்  விதைகளுடன் கூடிய வெண்மையானயாகவும் மற்றும் சுவை, மணம் உள்ள சதைப்பற்றுடன்  இருக்கும். விதைகள் சுமாா் 470கிராம் எடை இருக்கும். மூன்று நாட்கள் காய வைத்தால்  322 கிராம் எடையாகக் குறையும். சிறிது இனிப்பும், துவா்ப்பும் கலந்து அன்னாச்சிப்பழம்  போன்று சுவை கொண்ட உண்ணக்கூடிய பழம். இதனை Soursop என்று ஆங்கிலத்தில் சொல்வாா்கள். தற்பொழுது இந்த பழம் ஊட்டியிலும், கொடைக்கானலிலும் கிடைக்கிறது.  கிராமங்களில் இதை இராம் சீத்தா என்று அழைக்கிறாா்கள். காய்ந்த பதப்படுத்திய விதையிலிருந்து விதைத்து நாற்றுக்கள் உற்பத்தி செய்து இன விருத்தி செய்யப்படுகிறது. 

 பயன்கள் 

முள் சீத்தா மனித உடலின் அனைத்து வித செயல்பாட்டிற்கும் நன்கு உதவுகிறது. ஏனெனில்  இதில் அதிகமான ஊட்டச்சத்துகள் நிறைந்துள்ளது. இந்த மரம் அமேசான் காடுகளில் வளர்ந்த  போது இதன் பட்டை, இலை, பழம், வேர் என்று எல்லாவற்றையும் அங்குள்ள பழங்குடி மக்கள்  நோய் தீர்க்கும் மருந்துகளாகப் பயன்படுத்தி குணமடைந்தனா். குறிப்பாக இதன் இலை,  பழம் இவைகளைப் பக்குவப்படுத்தி உணவாக அருந்தும் வகையில் தயாா் செய்து  புற்றுநோயைக் குணப்படுத்தப் பயன்படுத்தினாா்கள். அமெரிக்காவில் இந்த பழத்தை  ஆய்வு செய்து புதிய செல்களை உற்பத்தி செய்து கெட்ட நோய் செல்களை அழித்து நல்ல  பலன் கிட்டுவதைக் கண்டுபிடித்தாா்கள். மேலும் இதில் பக்க விளைவுகள் இல்லை  என்பதையும் கண்டறிந்துள்ளாா்கள்.  

• புற்று நோய்க்கு கொடுக்கும் ரசாயன மருந்துகளை விட முள் சீத்தாப்பழம் அதிக எதிர்ப்பு  திறன் கொண்டது என சித்த மருத்துவம் கூறுகிறது. முள் சீத்தா இலைகளுக்கு புற்றுநோய்  செல்களை அழிக்கும் ஆற்றல் உள்ளது. இதில் உள்ள அசிடோஜெனின் (acetogenins) உடலுக்கு  அதிக எதிா்ப்பு சக்திளை தந்து புற்றுநோய் செல்களை உடலில் வளர விடாமல் தடுக்கிறது.  புற்று நோய் உள்ளவா்கள் முள் சீத்தா இலைகளை தேநீராக அருந்தி வந்தால் கீமோதெரபிக்கு  சமமானது என மருத்துவா்கள் குறிப்பிடுகின்றனா்.  

• முள் சீத்தாபழத்தில் அதிகப்படியான பொட்டாசியம் உள்ளது. இது இதய நோய் பிரச்சினைகள்  ஏற்படாமல் காக்கும். உடலில் உள்ள இரத்த ஓட்டத்தை சீராக்கி இதயத்தின் செயல்பாட்டை  ஆரோக்கியமாக வைத்து உதவி செய்கிறது. இந்த முள் சீத்தா இலைகளை டீ போட்டு குடித்து  வந்தால் இதயம் சாா்ந்த கோளாறுகளை தடுக்க முடியும். 

• இரத்த வெள்ளை அணுக்களின் உற்பத்தியினை அதிகாித்து உடலினை நாள்பட்ட நோய்கள், தொற்று நோய்கள் ஆகியவற்றிலிருந்து பாதுகாக்கிறது. மேலும் தினமும் முள் சீத்தா தேநீா்  அருந்தினால் இரத்த ஓட்டம் சீராகும்.  

• முள் சீத்தா பழம் இரத்த அழுத்தம், ஆஸ்துமா, வயிற்றுப் போக்கு, காய்ச்சல், குடல் புண், ஈரல்  பாதிப்பு, நரம்பு தளர்ச்சி, உடல் நடுக்கம், இருதய கோளாறு, கிட்னி பாதிப்பு, இருமல் போன்ற  பல்வேறு நோய்களையும் தீா்க்கும் உன்னதமான மருந்தாகும். 

• முள்ளுசீதா 12 வகையான புற்று நோய்களைக் குணப்படுத்த வல்லது என்று  கண்டுபிடித்தாா்கள். மேலை நாடுகளில் பல நாடுகள் இதன் மருத்துவ குணம் நன்கு  அறிந்து பலவிதமான நோய்களைக் குணப்படுத்தினா்.  

இயற்கையோடு இனைந்த வாழ்வே நோய் நொடியின்றி வாழும் ஆரோக்கியமான வாழ்வு  ஆகும். நம் உடலுக்கு தேவையான அனைத்து வித சக்திகளும், ஊட்டச்சத்துகளையும், பழங்கள்,  காய்களிகள் மூலமாக இந்த இயற்கை நமக்கு வழங்கி வருகிறது. இவைகளை ஆய்ந்து அறிந்து  அதன் பயன்களையும், முக்கியத்துவத்தையும் தெரிவு செய்து எடுத்துக் கொண்டாலே  செழிப்பாக நலமுடன் வாழலாம். 

பயன் தரும் பாகங்கள் 

இலை, பூ, பழம், பட்டை, வோ் மற்றும் விதை முதலியன 

வேறு பெயா்கள் 

Graviola, Soursop, Brazilian paw paw, Gunabana ஆகியன. 

தாவரப் பெயா் 

Annona muricata இது Annonaceae என்ற தாவரக் குடும்பத்தைச் சாா்ந்தது. 

பவளமல்லி மரம் 

பவளமல்லி என்பது சிறு மரவகையைச் சோ்ந்தது. பவளமல்லி இலைகள் ஆயுா்வேத மருத்துவத்தில் பல்வேறு வகையான காய்ச்சல்கள், இருமல், ஆா்த்தரைட்டிஸ், புழு தொற்று உள்ளிட்டவைகளுக்கு தீா்வு காண பயன்படுகிறது. புராணக் கதைகளில் பகவான் கிருஷ்ணரால் பூமியில் உருவான பரலோக மரம் என்று சொல்லப்படுகிறது. இதன் பூா்வீகம் தென் கீழ் ஆசியா, தாய்லாந்து நாட்டில் காஞ்சனபுாி மாநிலம் போன்ற பகுதிகள் ஆகும். இந்த மரம் வளா்வதற்கு வளமான மண் தேவை. இதற்கு சிறிய வெப்பமும் நிழலும் போதுமானதாக இருக்கும்.  நீா் தேங்காத இடத்தில் நன்கு வளரும். இதன் இலைகள் நீள் வட்ட வடிவில் கூரான  முனைகளை உடையது. இலைகளின் தளவாடங்கள் மெருகேற்றப் பயன்படும்.  இதன் பூக்கள் பவழ நிற  பட்டு வகைத்  துணிகளுக்கு சாயம் ஏற்றப் பயன்படுகிறது.  இதன்  பூக்கள் பவழக் காம்பும், வெண்நிறமும் கொண்டு மல்லிகைப்பூப் போல்  காட்சியளிக்கும்.  நறுமணம் கொண்டது. பவளமல்லி  பூக்கள்  நடுஇரவில் பூத்து விடியற்காலையில் உதிா்ந்து விடும். இந்த மலரைச் சேடல்  என்றும் குறிப்பிடுவா். 

சேடல் என்னும் மலா் மகளிா் தொகுத்து விளையாடிய மலா்களில் ஒன்று. வைகையாற்றுப்  படுகையில் இது பூத்துக் கிடந்தது என்றும், மதுரையைக் காவல் புாிந்து வந்த  நாற்பெரும் பூதங்களில் ஒன்று சேடல் மலரை அணிந்திருந்தது என்றும் இளங்கோவடிகள்  குறிப்பிடுகிறாா். இதற்குப் பாாிஜாத மலா் என்ற பெயா் உண்டு. சேடல் மலரை அறிஞா்கள்  இக்காலப் பவளமல்லி எனக் குறிப்பிடுகின்றனா். சேடல் என்னும் சொல்லில்  செந்நிறத்தைக் குறிக்கும் வோ்ச்சொல்  உள்ளது. பவள நிறம் என்பது செந்நிறம்.  பவளமல்லிப்பூவின் புறவிதழில் ஒட்டிக் கொண்டிருக்கும்  பூவின் காம்பு  சிவப்பாக இருக்கும். எனவே இதனைச் சேடல் எனவும் சொல்வதும்  பொருத்தமானதாகிற்று. 

பயன்கள் 

ஆயுா்வேத மருத்துவத்தில் இதன் இலைகள், பூக்கள், விதைகள், வயிற்றுத் தொந்தரவு,  மூட்டு வலி, காய்ச்சல், தலைவலி போன்றவற்றிற்கு மருந்தாகப் பயன்படுகிறது. இலை  வியா்வை, பித்தம் ஆகியவற்றை சாி செய்கிறது.  

இதன் இலைக் கொழுந்தை இஞ்சிச் சாற்றில் கலந்து விட்டுவிட்டு வரும் காய்ச்சலுக்கு  தினம் இரு வேளைக் கொடுத்தால் குணமடையும். 

இம்மர இலையைச் சுடுநீாில் போட்டு நன்றாய் ஊறவைத்து நாள் ஒன்றுக்கு இரு வேளை  அருந்தி வர, முதுகுவலி, காய்ச்சல் சாியாகும். 

வயிற்றில் புழுக்கள் வெளியேற இவ்விலை சாற்றுடன் சிறிது உப்பு சோ்த்து அத்தோடு  தேன் கலந்து அருந்தினால் போதும். நல்ல பலன் கிடைக்கும். 

மேலும், இதன் இலைகளை 200 கிராம் எடுத்து வந்து மண்சட்டியில் போட்டு பதமான  சுட்டில் வறுத்து, ஒரு லிட்டா் நீா் விட்டு அரை லிட்டராகச் சுண்டக் காய்ச்சி, இருதயம்  வலுவற்ற குழந்தைகளுக்கும், இரத்தமின்மைக்கும் நாளைக்கு இரு வேளை கொடுத்து  வர குணம் பெறலாம். 

ஆா்த்தரைடிஸ் என்னும் முழங்கால் வலி மற்றும் சியாட்டிகா போன்றவை மிகவும் வலி ஏற்படுத்தும். பவளமல்லி தாவரத்தின் இலைகள் மற்றும் மலா்களில் ஆன்டி-இன்பிளமேட்டாி பண்புகள் நிறைந்துள்ளன. இதில் உள்ள அத்தியாவசிய எண்ணெய்கள், ஆா்த்திரைடிக் முழங்கால் வலிக்கு தீா்வாக அமைகின்றன. பவளமல்லி இலைகளின் கசாயம், ஆா்த்தரைட்டிஸ் மற்றும் சியாட்டிகாவுக்கான தீா்வாக ஆயுா்வேத மருத்துவத்தில், மருத்துவா்கள் பாிந்துரைக்கினறனா். தேங்காய் எண்ணெயில் 5 அல்லது 6 துளிகள் பவளமல்லி எண்ணெயை சோ்த்து அதை வலி உள்ள இடங்களில் தடவினால் நிவராணம் கிடைக்கும். 

பயன்தரும் பாகங்கள் 

இலை, மலா்கள், பட்டை முதலியன. 

வேறுபெயா் 

பாாிஜாதம், பவழமல்லி, சேடல் முதலியன 

தாவரப்பெயா் 

Nyctantres arbortristis இது Oceaceae என்ற தாவரக்குடும்பத்தைச் சோ்ந்தது. 

மிளகரணை 

மிளகரணை என்பது ஒரு ஏறு கொடியினத்தைச் சேர்ந்த மூலிகைத் தாவரமாகும். இதன் இலைகள் சிறிதாகவும் நீள் வட்ட வடிவமாகவும் காம்புகள் அற்ற மூன்றிலைகளை கொண்டு மாற்றடுக்கில் அமைந்திருக்கும். சிறிது வளைந்த முட்களை உடையது. இந்த மூலிகை மரம் மற்றும் புதா்களில் பற்றிப் படா்ந்து வளரும். சுமாா் 10 மீட்டா் வரை படரும். இலைகள் இழம்பச்சை நிறமாக இருக்கும். இந்த மூலிகை வாசனை உடையது. இதை ஆங்கிலத்தில் ‘Orange Climber’ என்று கூறுவா். பூக்கள் பச்சையும் மஞ்சள் நிறமும் கலந்திருக்கும். பழம் 5-7 மில்லி மீட்டா் விட்டம் உடையது. ஆரஞ்சுத்தோலின் சுவையுடன் இருக்கும். இது காடுகளிலும், ஆற்றங்கரையோரங்களிலும், களிமண்ணிலும் நன்கு வளரும். தமிழ் நாட்டில் எல்லா இடங்களிலும் வளரும். இது முதலில் தென் ஆப்பிரிக்காவில் காணப்பட்டது. பின் சுவிட்சா்லாந்து, ஆசியா, மடகாஸ்கா் போன்ற நாடுகளுக்குப் பரவிற்று. இதன் இன விருத்தி இதன் பழங்களை பறவைகள், குரங்குகள் தின்றுவிட்டு வேறு இடங்களில்  விதைகள் விழுந்து உற்பத்தியானது.  

பயன்கள் 

இந்த மூலிகை பொதுவாக பசிமிகுதல், நோய் நீக்கல், கோழையகற்றுதல், இருமல்,  காய்ச்சல், மலோியா, வாதம், வயிற்று வலி, வீக்கம் போன்றவைகளுக்கு நற்பலனை  அளிக்கின்றது.  

• ஆஸ்துமாவிற்கு மிளகரணை இலையை உலா்த்திப் பொடித்து, அரை ஸ்பூன் எடுத்துத்  தேன் கலந்து உண்ணலாம். 

• மிளகரணை பழங்கள் இருமலுக்கு நல்ல மருந்தாக பயன்படுகிறது. 

• விட்டு விட்டு வரும் சுரம் குணமாக மிளகரணையின் சமூலம் (சமூலம் என்றால்  அடிவேருடன் கூடிய முழு செடியைக் குறிக்கும்.) அதை நிழலில் காய வைத்து சுமாராக  இடித்து 10 கிராம் அளவு எடுத்து 500 மி.லி நீரில் கொதிக்க வைத்து 50 மில்லியாகச்  சுண்டிய பின் வடிகட்டி உணவுக்கு முன் காலை, மாலை குடித்து வர சுரம் குணமடையும்.  

• ஜலதோஷத்திற்கு இதன் இலைகளை நீரில் கொதிக்க வைத்து ஆவி பிடிக்க வேண்டும்  அப்போது வியா்வை வெளியேறுவதன் மூலம் குணமாகும். 

• தசை பிடிப்பு வீக்கம், வலி குணமாக மிளகரணை காய், வேர்ப்பட்டை முதலியவற்றை  கைப்பிடி அளவு எடுத்து அரை லிட்டா் நல்லெண்ணையில் மிதமாக தீயில் பக்குவமாகக்  காய்ச்சி வடிகட்டி தலையிலிருந்து உடம்பு முழுக்கத் தேய்க்க வலி குணமாகும். 

• மிளகரணையின் இலைகளை பச்சையாக மென்று தின்ன வயிற்று வலி குணமாகும். 

• இதன் வேரை ஒரு கைப்பிடி அளவு எடுத்து 200 மில்லி விளக்கெண்ணையுடன் கலந்து  பதமாகக்  காய்ச்சி வடிகட்டி வீக்கத்திற்குத் தடவ விரைவில் குணமாகும். 

• இதன் வோ்ப்பட்டையை 20 கிராம் எடுத்து அரை லிட்டா் நீாில் இட்டுக் கால் லிட்டராகக்  காய்ச்சி நாள்தோறும் இரண்டு வேளை குடிக்கத் தேகம் பலம் பெறும். பசியை தூண்டும். 

பயன் தரும் பாகங்கள் 

இலை, காய், பழம், வோ்பட்டை முதலியன 

தாவரப்பெயா் 

Toddalia asiatica இது Rutaceae என்ற தாவரக் குடும்பத்தைச் சாா்ந்தது. 

இசப்கோல் 

இசப்கோல் என்பது ஒரு சிறு செடி வகையைச் சோ்ந்தது. இதை ஆங்கிலத்தில்  சைலியம் என்று அழைக்கப்படுகிறது. சைலியம் (பிளாண்டகோ ஓவாடா) என்பது  சைலியம் விதைகளின் உமிகளில் இருந்து தயாாிக்கப்படும் ஒரு கரையக்கூடிய நாா்.

இந்தியாவில் இதற்கு மருத்துவ ஆலைகள் இருக்கின்றன. இதற்கு மணல் பாங்கான  களிமண் நிலங்களில் பயிரிட ஏற்றது. வடிகால் வசதி வேண்டும். இதற்கு  7.2 லிருந்து 7.9 வரை கார அமிலத் தன்மையுள்ள நிலமாக இருத்தல் வேண்டும்.  நிலத்தில் பயிரிட்டு பாத்திகள் அமைத்து நிலத்தைப் பண்படுத்த வேண்டும். 

அடிப்பகுதியிலிருந்து நீண்ட காம்புகள் பூக்கும். விதைகள் மெல்லியதாகவும்,  இளஞ்சிவப்பு நிறமாகவும் இருக்கும். விதைகள் முதிா்ச்சி அடையும் போது  செடிகளின் அடிபாக இலைகள் மஞ்சள் நிறமாகும். இந்த மூலிகையை  அறுவடைக்கு பின்னா் விதைகளைப் பாித்தெடுத்து அதன் செடிகளை  மாட்டுத் தீவனமாகப் பயன்படுத்தலாம்.  

இந்தச் செடியின் விதைகளின் மேல் தோல்கள் தான் மருத்துவக் குணம் அதிகம் உண்டு.  விதையின் மேல் தோலுக்குப் பிசுபிசுப்புத் தன்மை உண்டு. இந்த விதையின் ஒரு எண்ணெய்  மற்றும் சிறிய அளவில் அக்யுபின் மற்றும் டானின் என்ற க்ளோக்கோஸைடுகள் உள்ளது.  இதன் தோல் தண்ணீரை உறிஞ்சி தன்னிடத்தில் நிறுத்திக் கொள்ளும் தன்மை உடையது.  இதை குஜராத் மற்றும் ராஜஸ்தானில் அதிகமாக பயிரிடுகின்றனா். மேலும் இந்தியாவின்  முக்கிய ஏற்றுமதி மருந்துப் பொருளாகும். இந்தியாவில் சைலியம் என்பதை இசப்கோல்  என்று அழைக்கப்படுகிறது.  

பயன்கள் 

இம்மூலிகைச் சாயங்கள், அச்சு ஐஸ்கிரீம் மற்றும் அழகு சாதனங்கள் தயாாிக்கப்  பயன்படுகிறது. தோல் நீக்கப்பட்ட விதைகளில் 17லிருந்து19 சதவீதம் வரை புரதச்  சத்து உள்ளதால் கால் நடைத் தீவனமாகப் பயன்படுகிறது. 

• சைலியம் உமி ஒரு கரையக்கூடிய நாா்ச்சத்து என்பதால், இது முழுமையின் உணா்வை  ஊக்குவிக்கிறது மற்றும் பசியைக் கட்டுப்படுத்த உதவுகிறது. இதனால் உடல் எடை  குறைகிறது. உடல் எடையை குறைக்க அதிகப்படியான உணவை கட்டுப்படுத்தி  கொள்வாா்கள். அதற்கு பதில் சைலியம் உமியை உணவிற்கு சிறிது நேரத்திற்கு  முன்போ அல்லது உணவுடனோ உட்கொள்ளுங்கள். 
• உங்கள் உணவில் கரைக்கூடிய நாா்ச்சத்து சோ்ப்பது உங்கள் கெட்ட கொழுப்பைக்  குறைக்கவும் நல்ல கொழுப்பை அதிகாிக்கவும் உதவும். சைலியம் உமி கூடுதலாக  இதய நோய்களின் ஆபாயத்தைக் குறைக்கும் என்று ஆய்வுகள் தொிவிக்கினறன.  ஐரோப்பிய ஜர்னல் ஆஃப் கிளினிக்கல் நியூட்ரிஷனில் வெளியிடப்பட்ட ஒரு ஆய்வின்  படி இரண்டு வகையான நீரிழிவு நோயாளிகளில் மொத்தமான கெட்ட கொழுப்பைக்  குறைக்கும் ஆற்றல் சைலியம் உமிக்கு உண்டு. 
• வயிற்றுப்போக்கைப் போக்க மற்றும் குடல் இயக்கங்களை சீராக்குவதற்கும் இந்த  மூலிகையின் உமி உதவும் என்று ஆராய்ச்சி ஆய்வுகள் தொிவிக்கின்றன. எரிச்சலூட்டும்  குடல் நோய்க்குறி நோயாளிகளுக்கு வயிற்றுப்போக்கைக் குறைக்க சைலியம் உமி  பயனுள்ளதாக இருக்கும் என்று ஒரு ஆய்வு காட்டுகிறது.  
• ஆரோக்கியமான சைலியம் உமி என்பது ப்ரிபயாடிக் ஆகும். இது குடலில் உள்ள  ஆரோக்கியமான பாக்டீரியாக்களின் வளா்ச்சிக்கு நன்மை பயக்கும். வயிற்றில்  ஆரோக்கியமான பாக்டீரியாக்கள் இருப்பது நோயெதிா்ப்பு செயல்பாட்டை ஆதாிக்கிறது.  மேலும் வீக்கத்தைக் குறைக்கிறது மற்றும் உங்கள் உடல் உணவை ஜீரணிக்க உதவுகிறது. 
• குடல் எரிச்சல் மற்றும் குடல் கோளாறு போன்றைவைக்கு இந்த மூலிகை உதவுகிறது.  இவை மட்டுமல்லாது வயிற்று வலி, வயிற்று வீக்கம் மற்றும் வாயு தொல்லை  போன்றவைகளை குணப்படுத்துகிறது.  

பயன் தரும் பாகங்கள் 

விதை, விதையின் மேல் தோல் 

வகைகள் 

ப்ளேன்டகோ சில்லியம், ப்ளேன்டகோ இன்சுல்லாரிஸ், ஜிஐ 1, ஜிஐ 2, மற்றம் நிஹாரிக்கர்  போன்றவை. 

வேறு பெயா் 

இஸ்கால், ஆங்கிலத்தில் ‘PSYLLIUM’ என்று பெயா். 

தாவரப்பெயா் 

Plantago ovata இது Plantaginaceae என்ற தாவரக் குடும்பத்தைச் சாா்ந்தது.  

மருந்துக் கூா்க்கன் 

மூலிகை மருந்துப் பயிாிகளிலேயே மருந்துக் கூா்க்கன் குறுகிய காலத்திலேயே  வளா்ந்து அதிக லாபம் ஈட்டி தரக்கூடியதாகவும், அதிக மூலிகை பயன்களையும்  கொண்டதுமாகும். இந்த மருந்து கூா்க்கன் எனும் மூலிகை சுமாா் 3000 ஆண்டுகளான  பழமை வாய்ந்த மூலிகைகளுள் ஒன்று அன்றுத்தொட்டே இது மருத்துவ பயன்பாட்டில்  இருக்கின்றது. இது ஒரு சிறு செடி வகையைச் சோ்ந்தது. இதை சமவெளிகள்,  மலைச்சாிவு மற்றும் வறட்சியான பகுதிகளில் பயிரிடலாம். இந்த மூலிகையை  பயிரிடுவதற்கு செம்மண் மற்றும் சரளை மண் ஏற்றது. பயிரிடும் மண்ணின் கார  அமில நிலை பி.எச்.6.0-7.00க்குள் இருக்க வேண்டும். இந்த மூலிகை  பாா்ப்பதற்கு ஓமவள்ளியை போன்று காணப்படும்.  

இந்த மூலிகை நெருக்கமான கிளைகளில் தடினமான இலைகளுடன் சுமாா் 2அடி  உயரம் வரை வளா்கிறது. இச்செடியானது நுனிக் கொழுந்தைக் கிள்ளி நட்டு  வளா்க்கப்படுவதால் ஆணிவோ் உண்டாவதில்லை. அடிக்கணுவிலிருந்து பக்க வோ்களே  உண்டாகின்றன. பழுப்பு நிற வோ்களிலிருந்து ஒல்லியான கேரட் வடிவத்தில் ஒரு அடி  நீளம் வரை கிழங்குகள் உருவாகின்றன. ஒரு செடியிலிருந்து அரைக்கிலோ முதல்  முக்கால் கிலோ வரை பச்சைக் கிழங்குகள் கிடைக்கின்றன. பொலபொலப்பான  பூமியில் ஒரு கிலோவும் கிடைக்கின்றது. இதன் வோ்கள் இளம் மஞ்சள் நிறத்துடனும்,  வாசனைத் தன்மையுடனும் இருக்கும். 

பயன்கள் 

ஆயுா்வேத மருத்துவ முறையில் இதன் பயன் இன்றியமையாதது. உடல் எடை  குறைக்கவும் பயன்படுகிறது. இந்த கிழங்கு அடினைலேட் சைலேஷ் என்ற கெமிக்கலை  தூண்டி சைக்கிளிக் அனினோசைன் மோனோபாஸ்பேட் என்ற மூலக்கூற்றை உருவாக்கி  உடற்செல்களின் ஒழுங்கான செயல்பாட்டிற்கு உதவுகிறது. உடல் ஆற்றலை நிலையாக்கி  நோய் எதிா்ப்பு சக்தியை அதிகாிக்கிறது. 

• 2011 ல் நடத்திய ஆய்வின் படி புரோட்டீன் பாஸ்பேட் 2 செல் பிரிதலுக்கு உதவுகிறது.  இந்த செயல் ஆன்டி கேன்சராக செயல்படுகிறது. இதன் மூலம் தயாாிக்கப்படும் மாத்திரைகள் புற்றுநோய் கட்டிகளின் வீாியத்தை குறைத்து புற்றுநோய்க்கு எதிராக செயல்படுகிறது. 
• இந்த மூலிகை உயா் இரத்த அழுத்தத்தை கட்டுப்படுத்துகிறது. இதனால் நமது இதயமும் ஆரோக்கியமாக இருக்கும். இதனுடன் ஆல்கஹால், சா்க்கரை அதிக உப்பு சோ்க்கப்பட்ட உணவு, தேநீா் போன்ற உணவுகளை தவிா்த்தால் இரத்த அழுத்தம் குறைய ஆரம்பித்து விடும்.  
• மருந்துக் கூா்க்கன் நீரழிவு மற்றும் குறைந்த நீரழிவு உள்ளவா்களுக்கு அவா்களின் இரத்த சா்க்கரை அளவை கட்டுப்பாட்டில் வைத்து சமநிலையில் வைக்கிறது. கண்களில் ஏற்படும் பிரச்சினைக்கும் ஒரு பீட்டா பிளாக்கா் மாதிாி செயல்படுகிறது. 
• சுவாச பாதையில் ஏற்படும் வீக்கம், அழற்சி மற்றும் ஆஸ்துமா போன்ற பிரச்சினைகளை சாி செய்கிறது. சுவாசத்தை எளிதாக்குகிறது. க்ரோமோகிளிசிக் அமிலத்தை விட ஆஸ்துமா நோயை குணப்படுத்த சிறப்பாக பயன்படுகிறது. 
• இடியோபதிக் கான்கெஸ்டிவ் காா்டியோமையோபதி மற்றும் இதயத்தின் வால்வு பகுதியில் அடைந்துள்ள கொழுப்பு நச்சுக்களை வெளியேற்றி இதய ஆரோக்கியத்திற்கு வழிவகுக்கிறது. 
• நோயெதிா்ப்பு செல்களை அதிகாித்து நோய் எதிா்ப்பு மண்டலத்தை வலுப்படுத்துகிறது. இந்த Camp செயல் மூலம் எதிா்ப்பு சக்தி அதிகாித்து நோய்கள் உள்ளே வராமல் தடுக்கிறது. ரேஜ் புரோட்டீன் வளா்ச்சியை தடுத்து அழற்சியை போக்குகிறது. வெளியில் உள்ள நச்சுகளிலிருந்து உடம்பை பாதுகாக்கிறது. 
• இந்த மருந்துக் கூா்க்கன் கிழங்கில் உள்ள லிப்பாஸ் மற்றும் அடினைலேட் சைலேஷ்  கொழுப்பு அமில உற்பத்தியை அதிகாிக்கிறது. இதனால் உடம்பில் தங்கியுள்ள கெட்ட  கொழுப்புகள் எல்லாம் எனா்ஜி ஆக்கப்பட்டு எாிக்கப்படுகிறது. சில ஆய்வுகள் இது  உடல் எடை குறைப்பிற்கும், தசைகளின் கட்டுமானத்திற்கும் உதவுகிறது என்கின்றனா்.  
• இந்த மூலிகை உயா் இரத்த அழுத்த மருந்துகளுடன் வினைபுாிந்து இரத்த அழுத்தத்தை  குறைக்கிறது.  

பயன் தரும் பாகங்கள் 

வோ்கிழங்குகள் மட்டும். 

வகைகள் 

மங்கானி பெரு(மேமுல்), காா்மாய் மங்கானி பெரு 

வேறு பெயா் 

கூா்க்கன் கிழங்கு, கோலியஸ் 

தாவரப்பெயா் 

Coleua forskohlii இது Lamiaceae என்ற தாவரக் குடும்பத்தைச் சாா்ந்தது. 

துத்தி 

தமிழகத்தில் எல்லா இடங்களிலும் காணப்படும். குறிப்பாக கடற்கரை ஓரங்கள், சமவெளிகளில் அடா்ந்து காணப்படும். துத்தி என்பது கீரை வகையைச் சோ்ந்தது.  ஆனால் இதனைப் பெரும்பாலும் எவரும் சமையலுக்குப் பயன்படுத்துவதில்லை.  துத்தி என்றால் உண்ணக்கூடியது என்ற பொருளை அகராதியில் குறிப்பிட்டுள்ளது.  எனவே மற்ற கீரைகளைப் போலவே இதையும் பொாியல் செய்து சாப்பிடலாம்  உடல் நலத்திற்கு பாதுகாப்பானது இந்த துத்தி கீரை. இதன் இலைகள் இதய வடிவில்  காணப்படும். இதன் பூக்கள் மஞ்சள் நிறங்களைக்கொண்டு தோடு போன்ற  வித்தியாசமான வடிவக் காய்களையும் உடைய செடி. இலையில் மென்மையான  சுவையுண்டு. இதன் இலை உடலில் பட்டால் சற்றே அாிப்பு ஏற்படும். நான்கு அல்லது  ஐந்து அடி உயரம் வரை வளரும். விதை மூலம் இனப்பெருக்கம் செய்யும் தாவரம் இது. 

பயன்கள் 

• துத்தி இலைச்சாற்றுடன் சிறிதளவு மஞ்சள் தூள் கலந்து புண்களால் பாதிக்கப்பட்ட  இடத்தில்  பூச புண்கள் குணமாகும்.  
• துத்தி இலைச்சாற்றை பச்சரிசி மாவுடன் கலந்து நன்றாக குலைத்து கட்டிகளின்  மீது வைத்துக் கட்ட கட்டிகள் உடையும்.  
• பெண்களுக்கு வெள்ளை படுதல் குணமாக இதன் இலைகளை நெய்யில் வதக்கி  சாதத்துடன் சோ்த்து சாப்பிட்டு வரலாம் அல்லது இலையை காரமில்லாமல்  பொாியலாகச் செய்து சாதத்துடன் பிசைந்து 40 முதல் 120 நாட்கள் வரை சாப்பிட  குணமாகும். 
• 20 மி.லி துத்தி பூச் சாறுடன் சிறிதளவு கற்கண்டு சோ்த்துச் சாப்பிட இரத்த வாந்தி  சாியாகும்.  
• துத்தி பூக்களை உலா்த்தி தூள் செய்து வைத்துக் கொண்டு ஒரு தேக்கரண்டி அளவு  தூளை ஒரு டம்ளா் பாலில் கலந்து இரவில் மட்டும் குடித்துவர உடல் சூடு குணமாகும்.  
• துத்தி இலைகளை கொதிநீரில் போட்டு வேகவைத்து, அந்த நீரில் துணியை விட்டு  எடுத்து பிழிந்து, வலியுள்ள இடத்தில் ஒற்றடம் கொடுக்க உடல்வலி குணமாகும். 
• துத்திப்பூவை உலா்த்தி பொடி செய்து சமஅளவு சா்க்கரை கலந்து பசும் பாலுடன்  அருந்தி வந்தால் நுரையீரல் பிரச்சினை, இருமல், இரைப்பை கோளாறு, காசநோய்  போன்றவை குணமாகும்.  
• இதன் விதைகளை எடுத்து காய வைத்து பொடித்து சா்க்கரை கலந்து 250மி.கி முதல்  500 மி.கி அளவு வரை உண்டு வந்தால் சரும நோய்கள், உடல் சூடு, தொழுநோய்,  வெண்மேகம் ஆகியவை குணமாகும். 
• துத்தி வோ் 35கிராம் திராட்சைப்பழம் 15கிராம் எடுத்து அதனுடன் தண்ணீா் நன்கு  காய்ச்சி நன்கு வற்றிய பின் வடிகட்டி காலை மாலை இரு வேளையும் முப்பது முதல்  அறுபது மி.லி அருந்தி வந்தால் தாகம், நீரடைப்பு, நீா் சம்பந்தப்பட்ட பிரச்சினைகள்  சாியாகும். 
• வாயு சம்பந்தப்பட்ட வியாதிகளுக்கும், இடுப்பு வலி மற்றும் குடற்பூச்சிகளை  அளிப்பதற்கும் இந்தக் கீரையை அடிக்கடி கடைந்தோ, பொாியல் செய்தோ உணவுடன்  சோ்த்துக் கொண்டு வந்தால் அனைத்தும் குணமாகும். 
• எலும்பு முறிவு ஏற்பட்டால், முதலில் எலும்பை ஒழுங்குப்படுத்திக் கட்டிக் கொண்டு  இந்த இலையை நன்றாக அரைத்து மேலே கனமாகப் பூச அதன் மேல் துணியைச்  சுற்றி அசையாமல் வைத்திருந்தால் வெகு விரைவில் முறிந்த எலும்பு கூடி குணமாகும். 
• துத்தி இலையை நன்கு சுத்தம் செய்து மண்பாண்டத்தில் போட்டு அதில் சிறிது  விளக்கெண்ணெய் ஊற்றி நன்றாக வதக்கி கை பொருக்கும் சூட்டில் வாழை இலை  அல்லது பொிய வெற்றிலையில் வைத்து அதனை துணியில் வைத்துக் கோவணம்  போன்று கட்டிக் கொள்ள வேண்டும். இது போன்று தினசாி இரவு படுக்கைக்கு  முன்னா் செய்து வந்தால் மூலவீக்கம், வலி, குத்தல், எாிச்சல் ரத்த மூலம், கீழ் மூலம்  ஆகியவை நீங்கி நலம் உண்டாகும். 

பயன் தரும் பாகங்கள் 

இலை, பூ, வோ், பட்டை ஆகியவை  

துத்தியின் வகைகள் 

பசும்துத்தி, கருந்துத்தி, சிறுத்துத்தி, பெருந்துத்தி, எலிச்செவிதுத்தி, நிலத்துத்தி,  ஐயிதழ்துத்தி, ஒட்டுத்துத்தி, கண்டுத்துத்தி, காட்டுத்துத்தி, கொடித்துத்தி, நாடத்துத்தி, பணியாரத்துத்தி, பொட்டகத்துத்தி போன்ற பல வகைகளை பெற்றிருந்தாலும் இதன்  பலன் எல்லாம் ஒன்றே. 

வேறுப்பெயா் 

கக்கடி, கிக்கசி, துத்திக்கீரை 

தாவரப்பெயா் 

Abutilon indicum இது Malvaceae என்ற தாவரக்குடும்பத்தைச் சாா்ந்தது. 

விராலி 

பொதுவான காடுகள் மற்றும் சமவெளிகளில் வளரும் ஒரு சிறந்த மூலிகைச் செடியாகும்.  இந்த விராலி செடி ஊருக்கு ஒதுக்குபுறமாக உள்ள புதா்காடுகளில் வறட்சியைத்தாங்கி  வளரும் இயல்புடையது. சூாிய ஒளியை நோக்கும் விதமாக, மேல்நோக்கி அமைந்திருக்கும்  இதன் இலைகளில் எளிதில் சாறு எடுக்க இயலாவண்ணம் வறண்ட இலைகளைக்  கொண்டு அமைந்தவை. இதை விவசாயிகள் விராலிமாறு என்று சொல்வா்.  

முன்னோா்கள், ஆயக்கலைகள் 64 என வகுத்த கலைகளில் ஒன்றான இரசவாதம் எனும்  கலை என்பது பொருட்களின் அதனுடைய இயல்பான தன்மையை மாற்றி அவற்றைக்  கொண்டு, விலை மதிப்புமிக்க தங்கம் வெள்ளி போன்ற உலோகங்கள் உள்ளிட்ட விலை  மதிப்பில்லா பல அாிய பொருட்கள் மற்றும் மனித உடலுக்கு வியாதிகள் அணுகா கற்ப  மருந்துகள் தயாாிக்க உதவுவதாகும். அத்தகைய இரச வாதத்திற்கு அடிப்படையான  முக்கியமான ஒரு மூலிகைதான் விராலி. சாறே எடுக்க முடியாத விராலி இலைகளிலிருந்து  சாறெடுக்கும் வல்லமையே, இரச வாதத்துக்கு முதல் படி என்பது மட்டுமல்ல, அப்படி  விராலியில் சாறெடுக்கும் வல்லமை மிக்கவரே, சிறந்த சித்த வைத்தியா் என சித்தா்கள்  உரைக்கின்றனா்.  

பயன்கள் 

நம்முடைய உடலில் ஏற்படும் நோய்களுக்கு எதிா்ப்பு சக்தி கொண்ட மூலிகையான  விராலி, உடலில் உள்ள நுண்ணிய நச்சு கிருமிகள் மற்றும் பூஞ்சை தொற்றுகளை  அழிக்கும் ஆற்றல் மிக்கது. சிறந்த மூலிகை நிவாரணியான விராலி, உடலில் அதிக  அளவு வியா்வையை வெளியேற்றி, காய்ச்சல் உள்ளிட்ட உடல் வெப்பத்தை தணித்து  உடலுக்கு குளிா்ச்சியை தரும் வல்லமை மிக்கதாகும். உடலின் முக்கிய உறுப்புகளின்  இயக்கத்தை சாிசெய்த நரம்புகளை சீராக்கி, உடலை வலுவாக்கி, புத்துணா்ச்சி அளிக்கும்.  அலா்ஜி எனும் ஒவ்வாமைக்கு சிறந்த தீா்வாகிறது இந்த விராலி இலைகள். 

உடலில் சூடு காரணமாகவோ அல்லது இரத்தம் கெடுவதாலோ ஏற்படும் கட்டிகள், வீக்கம்  போன்றவை குணமாக, விராலி இலைகளின் மீது சிறிது விளக்கெண்ணை தடவி, நெருப்பில்  சற்றே வாட்டி, கட்டிகள் அல்லது வீக்கங்கள் மீது இரண்டு அடுக்கு அளவில் இலைகளை  வைத்து மென்மையான பருத்தித் துணியால் சில தினங்கள் கட்டிவர, கட்டிகள் மறைந்து விடும் அல்லது கட்டிகள் உடைந்து விரைவில் ஆறிவிடும். வீக்கங்கள் எல்லாம் சில தினங்களில் கரைந்து விடும். 

விராலி இலைகளை நல்லெண்ணையில் நன்கு காய்ச்சி, அந்த எண்ணையைக் கொண்டு  உடலில் வலியுள்ள இடங்களில், கைகால் மூட்டுக்களில், தோள்களில் தடவிவர உடல்  வலிகள் படிப்படியாக குறைந்து விடும். மேலும் எலும்புகள் வலிமையடையும்.   

பல் வலி மற்றும் பல் கூச்சம் விலக விராலி இலைகளை வாயில் இட்டு சற்றுநேரம் மென்று வர பல வலி குணமாகும். மேலும் பற்களின் ஈறுகளில் ஏற்படும் இரத்தக் கசிவுகளும் நின்றுவிடும். 

நெடுநாள்களாக ஆறாத புண்கள் குணமடைய விராலி இலைகள், மஞ்சள் , சீரகம் இவற்றை ஒன்று, கால், அரை என்ற விகிதத்தில் எடுத்து அதற்கு தகுந்தாற்போல் நீரில் கொதிக்க வைத்து பாதியளவுக்கும் அதிக அளவில் நீா் நன்கு சுண்டியதும், தினமும் இருவேளை கால் டம்ளா் அளவில் பருகிவர, உடலில் வெகுநாட்களாக ஆறாமல் வேதனை கொடுத்து வந்த காயங்கள், புண்கள் ஆறிவிடும். இந்த மருந்தே உடலில் உள்ள கட்டிகளையும் கரைக்கும். மேலும் உடலில் இரத்தத்தில் மற்றும் சிறுநீரகத்தில் உள்ள சா்க்கரை பாதிப்பை சாிசெய்து உடலில் சா்க்கரை அளவையும் சீராக்கும் தன்மை மிக்கது. 

நன்கு உலா்ந்த விராலிப் பட்டைகளை பொடியாக்கி, சிறிதளவு எடுத்து தேனில் கலந்து சாப்பிட சளியினால் உண்டான ஜீரம், வைரஸ் கிருமிகளின் பாதிப்பால் உண்டாகும் மலோியா மற்றும் மூளைக்காய்ச்சல் போன்ற உடல் நலப் பாதிப்புகள்  தரும் காய்ச்சல்கள் யாவும் அகலும். சுவாச பாதிப்புகளை சாிப்படுத்தும். 

பயன் தரும் பாகம் 

இலை மற்றும் பட்டை 

தாவரப்பெயா் 

Hymenodictyon exclsum இது Rubiaceae என்ற தாவரக்குடும்பத்தைச் சாா்ந்தது.