பூவரசு 

புவிக்கரசனாகிய பூவரசன் காய கல்ப மரமாகும். வேம்ப போல நூற்றாண்டு  கால மரமாகும். மருந்துக்கு மிகவும் ஏற்ற மூலிகை மரம். தென்னிந்தியாவில்  அதிகமாகக் காணப்படுகிறது. இதன் இலை பசுமை நிறமாகவும், அரச இலையை விட சற்று அகலமாகவும் இருக்கும். இதன் பூ மொட்டு சிறிய பம்பரம் போல்  இருக்கும்.  மொட்டு மலா்ந்தவுடன் புனல் வடிவில் மஞ்சள் நிறமுடையதாக மலரும்.  பூவரச  காய்களை உடைத்தால் உள்ளே நிறைய விதைகள் இருக்கும். பூவரசு  புழுக்களைக் கொன்று நம் உடலைத் தூய்மையாக்கி உடலை உரமாக்கும் தன்மை  உடையது.  

பயன்கள் 

பூவரசங்காய்களை உடைத்தால் மஞ்சள் நிறமான ஒரு திரவம் கசியும். இதனை  எடுத்து அடிபட்ட காயங்கள், விஷக்கடிகள், சரும நோய்களான படா்தாமரை,  செதில்படை, சிரங்கு இவைகளுக்குத் தடவி வர எளிதில் குணமடையும். 

பூவரசு மரப்பட்டையை எடுத்து இடித்து 210 கிராமிற்கு, 1400 மி.லி வீதம் நீா் விட்டுக் காய்ச்சி நன்றாக வற்றியபின் வடிகட்டி தினமும் இரண்டு  வேளை அருந்தி வர விஷக்கடி, சோகை, பெருவயிறு முதலிய நோய்கள் குணமடையும். 

இதன் பழுப்பு இலையை உலா்த்திக் கருக்கித் தேங்காய் எண்ணெயில் கலந்து போட  சொறி சிரங்கு, கரப்பான், ஊரல், அாிப்பு குணமாகும். 

பூவரசு பட்டையை எடுத்து பாலில் அவித்து உலா்த்தி அதனுடன் சமஅளவு  பறங்கிப்பட்டை சோ்த்து நன்கு இடித்து சூரணம் செய்து கொள்ள வேண்டும்.  இதனை ஒரு தேக்கரண்டி அளவு எடுத்து தேவையான அளவு பசு வெண்ணெயில்  காலை, மாலை இரண்டு வேளை உண்டு வந்தால் நாட்பட்ட தொழு நோய்க்கு தீா்வு  கிடைக்கும். இதை உட்கொள்ளும் போது உணவில் உப்பை நீக்க வேண்டும். 

வேறுபெயா்கள் 

கல்லால் பூப்பருத்தி, புவிராசன், அா்த்தநாாி, ஈஸ்வரம், பம்பரக்காய், பூளம் என்று  பெயா்கள் உள்ளன. 

தாவரப்பெயா் 

THESPESIA POPULNEA இது LVACEAE என்ற தாவரக்குடும்பத்தைச் சோ்ந்தது. 

வேலிப்பருத்தி. 

தமிழகமெங்கும் வேலிகளில் தானே படர்ந்து வளர்கிறது. இதய வடிவ இலைகளை மாற்றடுக்கில் கொண்டு பசுமை நிற வெகுட்டல்  மணமுடைய பூங்கொத்துக்களையும் மென்மையான முட்களைக்கொண்ட  இரட்டைக் காய்களையும், பாலுள்ள பிசுபிசுப்பான ஏறுகொடி. முட்டைவடிவ  விதைகளில் பட்டுப் போன்ற பஞ்சுகள் காணப்படும். இதனை உத்தாமணி  என்றும் குறிப்பிடுவதுண்டு. காய்கள் காய்ந்து வெடித்துப் பஞ்சுகளுடன் விதையும்  சேர்த்துப் பறந்து சென்று வேறு இடங்களில் இனப் பெருக்கம் செய்யப்படுகிறது. 
 

பயன்கள் 

இதன் இலையை இடித்துப் பிழிந்த சாற்றை ஒரு தேக்கரண்டி வீதம் அருந்தி  வர ஆஸ்த்துமாவுக்கும் பாம்புக் கடிகளுக்கும் குணம் ஏற்படும். 
நாள்பட்ட புண்களுக்கு இதன் இலையை அரைத்துக் கட்டி வந்தால் புண்கள்  எளிதில் ஆறும். 

கால் வீக்கங்களுக்கும், உடம்பில் அடிபட்ட வீக்கங்களுக்கும், இதன் இலைச்  சாற்றையும், சுண்ணாம்பையும் கலந்து பூசி வர அவை குணமாகும். 
இதன் இலைச்சாற்றுடன் தேன் கலந்து அருந்தி வர இருமல் தணியும். 
இதன் இலையை நன்கு அரைத்து எடுத்த விழுதை நகச்சுற்று, கண்ட மாலை  இவைகளுக்குப் பற்றிட்டுவர நல்ல குணம் தரும். 

இலையை வதக்கித் துணியில் கட்டி ஒத்தடம் கொடுக்கக் கீல் வாதம், முடக்கு  வாதம், வாதக் கடைச்சல், இடுப்புவலி முதலியன குணமாகும். இலைச்சாற்றுடன்  சுக்கு, பெருங்காயம்,பொடித்துக் காயச்சி இளஞ்சூட்டில் பற்றிட வாத வலி, வீக்கம்  குணமாகும், யானைக்கால் நோய் தொடக்க  நிலையில்  இருந்தால்  40, 50  நாள்களில் குணமாக்கலாம். இதன் வேரை உலர்த்தித் தூள் செய்து 2 முதல் 4  சிட்டிகை வரை  பாலில் கொடுக்க குழந்தைகளின் வாயுத் தொல்லைகள் நீங்கிப்  பேதியாகும், பூச்சி, கிருமிகள் சாகும். 

தக்க வயதடைந்தும் பெண் ருதுவாகாவிட்டால் வேலிப்பருத்தி இலைகள் ஆறு  எண்ணம் எடுத்துச் சுத்தப்படுத்தி மூன்று மிளகு சேர்த்து அம்மியில் மைபோல்  அரைத்து கழற்சிக்காய் அளவு பத்து தினங்கள் தொடர்ந்து உடகொண்டு வர  ருதுவாகாத பெண்கள் ருது ஆவார்கள 
 

 வேறுபெயா்கள் 

உத்தம கன்னிகை மற்றும் உத்தாமணி 

தாவரப்பெயா் 

DAEMIA EXTENSA இது ASCLEPIADACEAE என்ற தாவரக்குடும்பத்தைச் சாா்ந்தது 

நெல்லி 

இந்தியாவில் எங்கும் காணக் கிடைக்கும். 800 மீட்டர் உயரம் வரை மலைகளில்  நன்றாக விளையும். மற்ற நிலங்களில் சுமாராக விளையும். தென்னிந்தியாவில்  அதிகமாகக் கிடைக்கும்.  இலையுதிர் மர வகையைச் சேர்ந்தது.  இளம் மஞ்சள் நிறக்காய்களையும் உடைய மரம். காய்  இனிப்பு,  புளிப்பு, துவர்ப்பு சுவைகள் ஒருங்கே பெற்றுள்ளது. இலையடி  செதில்  மிகச்சிறியதாக நீண்டு இருக்கும். பூக்கள் இலைக்கோணங்களில் கொத்தாக  இருக்கும். இணைக்கும் பகுதி சேர்ந்து கூர்மையாக இருக்கும். உருண்டை வடிவமானது. சதைப்பற்றுள்ளது, சாறு இருக்கும். விதைகள் மூன்றுகோணங்கள்  உடையது. விதையுறைக் கடினமாக இருக்கும். ஒட்டுச்செடிகள் 3 வருடங்களில்  காய் விடும், மற்றவை 6 வருடங்கள் கூட ஆகும். இது விதைமூலமும், ஒட்டுக் கட்டு  மூலமும் இனப்பெருக்கும் செய்யப் படுகிறது. 

 
பயன்கள் 

நெல்லி காயகற்ப மூலிகையில் முக்கியமானது. இதன் பொருட்டே அன்று அதியமான்  ஔவைக்கு கொடுத்து சரித்திரத்தில் சான்றாக நிற்கின்றார் இதன்சிறப்பை பின்  வரும் சத்துக்களில் விவரம் தெளிவுறுத்துகிறது. மாவுச் சத்து-14 கி. புரத சத்து-0.4 கி. கொழுப்புச்சத்து- 0.5 கி, பாஸ்பரஸ்- 21 மி.கி.கால்ஷியம்-15 மி.கி.  இரும்புச்சத்து – 1 மி.கி. வைட்டமின் பி1 28 மி.கி. வைட்டமின் சி 720 மி.கி. நியாசின் – 0,4 மி.கி. கலோரிகள் – 60 வேறு எந்த காய்கனியிலும் இதிலுள்ள வைட்டமின் ‘சி ‘  அளவைப் போல் பெற இயலாது. ஒரு நெல்லிக்காயில் முப்பது ஆரஞ்சுப் பழங்களில்  உள்ள வைட்டமின் சி சத்து உள்ளது. நெல்லிக்காய்ச்சாறு, பொன்னாங்கண்ணிச்சாறு,  பால் வகைக்கு அரை லிட்டர், செவ்விளநீர் 2 லிட்டர், நல்லெண்ணெய் ஒன்றரை  லிட்டர் கலந்து அதிமதுரம், ஏலம், கோஸ்டம், பூலாங்கழங்கு, கஸ்தூரி மஞ்சள், ஜாதிக்காய்,  ஜாதிபத்திரி, திருகடுகு, தான்றிக் காய், கடுக்காய், வகைக்கு 15 கிராம்தூள் செய்து  கலந்து பதமுறக் காய்ச்சி வடிகட்டி (நெல்லித்தைலம்) வாரம் 2 முறை தலை முழுகி வர  கண்காசம், காமாலை, மாலைக்கண், பொடுகு, முடி உதிர்தல் தீரும். 

2 கிலோ வற்றலை 4 லிட்டர் நீரில் போட்டு அரை லிட்டராகக் காய்ச்சி இறுத்து அரைக்  கிலோ சர்கரை சேர்த்துப் பாகாக்கி அதில் திரிகடுகு வகைக்கு  30 கிராம்,  கிராம்பு, ஏலம், வெள்ளைக் குங்கிலியம்,கற்பூரம், வாயய் விளங்கம், அதிமதுரம்,  கூகைநீறு, கொத்த மல்லி, சீரகம், ஓமம் வகைக்கு 10 கிராம் பொடித்துப் போட்டுக்  கிளறி அரைலிட்டர் நெய் சேர்த்துக் காலை, மாலை கழற்சிக்காய் அளவு சுவைத்து  பால் அருந்த மேகசூடு, எலும்பைப் பற்றிய காய்ச்சல் என்புருக்கி,  இருமல்,  ஈழை,  காசம்,  கபம், வாயு, பீனிசம், பொருமல் அனைத்தும் தீரும்.  நெல்லி இலையை  நீரில் இட்டுக் காய்ச்சி வாய் கொப்பளிக்க வாய்ப் புண் தீரும். வேர்ப் பட்டையைத்  தேனில் உரைத்துத் தடவ நாக்குப் புண் குணமாகும். 

வேறுபெயா்கள் 

அம்லா, ஆமலகம், கோரங்கம், மிருதுபாலா 

தாவரப்பெயா் 

EMBILICA OFFICINALLIS இது EUPHORBIACEAE  என்ற தாவரக் குடும்பத்தைச் சோ்ந்தது.

சீமை அகத்தி. 

 சீமை அகத்தி என்பது தமிழ் நாட்டில் தென் மாவட்டத்தில் அதிகமாகஉள்ளது.  மண் வளமும் ஈரப்பதமும் உள்ள இடத்தில் நன்கு வளரும். இது ஆற்றுப்படுகைகளில்  அதிக உயரமாக வளமுடன் வளரும். இது ஆறு அடி முதல் 12 அடி வரை வளரக்கூடியது.  இது ஒரு புதர் போன்ற சிறு மரம். வெட்ட வெட்ட தழைத்து வளரும் இந்தத் தாவரம்  பூர்வீகம் மெக்சிகோ நாடு. இதன் இலை எதிர் அடுக்கில் அமைந்திருக்கும். இலை  50 – 80 செ.மீ. நீளம் உடையது. இது அமேசான் மழைக் காடுகளில் அதிகமாகக் காணப்படும்.  இது அழகுச் செடியாகவும் வளா்க்கப்படுகிறது. இதன் பூக்கள்  மெழுகுவா்த்தி போன்று மஞ்சள் நிறமாக கொத்தாக அழகாக வளர்ந்திருக்கும்.  இதன் இலைகள் இரவில்மூடிக்கொள்ளும் வாகை இலை போன்று. பூக்கள் உதிர்ந்து  நீண்ட காய்கள்  இருபக்கத்திலும் அடுக்காகக் காய்க்கும். இதன் விதைகள் நீள் சதுர  வடிவில் அமைந்திருக்கும். விதைகள் மூலம் இனப்பெருக்கம் செய்யப்படுகிறது. 

பயன்கள் 

சீமைஅகத்திச் செடியின் இலைகள் அதிகமாக மருத்துவத்திற்குப் பயன்படுகிறது.  தோல் வியாதிகளைக் குணப்படுத்துகின்றது. வண்டுகடி, படர்தாமரை, சொறிசிறங்கு,  கற்பப்பை கோளாறுகள் பாக்டீரியா, பூஞ்சைகளை அளிக்கவும், இரத்த அழுத்தம்  குறைவதையும்  குணப்படுத்தவும், வயிற்றுவலி, காய்ச்சல், ஆஸ்த்துமா, அல்சர்,  பாம்புக்கடி, சிறுநீர் எழிதாகக்கழிய, நுரையீரல் நோய்கள், இரத்த சோகை, மாதவிடாய்  சம்பந்தமான நோய்கள்,  போன்றவைகளையும் குணப்படுத்தும். இதன் இலையில்  தடுப்பு சக்தி இருப்பதால் சோப்பு, ஷாம்பு, முகப்பூச்சாகவும் பிலிப்பெயின்சில்  பயன்படுத்துகிறார்கள். 

வண்டு கடியைக் குணப்படுத்த குறிப்பிட்ட அளவு புதிதாகப் பச்சையாக உள்ள இலையை பறித்து எலுமிச்சைசாறுடன் சேர்த்து நன்கு  அரைத்து வண்டு கடி மீது காலை, மாலை தடவினால் விரைவில் குணமடையும். இதன்  மஞ்சள் பூக்களைப் பறித்து முறைப்படி கசாயம் வைத்துக் கொடுக்க சிறு நீர் கோளாறுகள்  நீங்கி தடையின்றி வெளியேறும். 
 
சீமை அகத்தி பட்டையை எடுத்து முறைப்படி ஊறவைத்து கசாயமாகக் காய்ச்சி  வடிகட்டி தினம் காலை, மாலை இரண்டு வேளை உட்கொண்டால் வலியைப் போக்கும்,  மலக் கழிவு இலகுவாக வெளியேறும். 
 
படர் தாமரையைப் போக்க உடனே பறித்த சீமை அகத்தி இலைகள் அறைத்து  அதற்கு சமஅளவு தேங்காய்எண்ணெயில் சேர்த்துத் தினந்தோறும் இரண்டு முறை  அழுத்தித் தேய்க்க குணமடையும். . 

வேறுபெயா்கள் 

மெழுகுவத்திப் பூ, காட்டுச் சென்னா,கிருஸ்மஸ் மெழுகுவத்தி, ஏழு தங்க மெழுகுவத்தி 

தாவரப்பெயா் 

Cassia alata இது Fabaceae,(Caesalpinaceae)  என்ற தாவரக்குடும்பத்தைச் சாா்ந்தது.

கொன்றை. 

கொன்றை தமிழ் நாட்டில் எல்லா மாவட்டங்களிலும் காணப்படும் சிறு  மர வகையைச் சேர்ந்தது. பல கிளைகள் விடும், ஒவ்வொரு கிளையிலும்  பல சிறு கிளைகள் தோன்றி அதில் கொத்துக் கொத்தாக இலைக் கொத்துக்கள்  தோன்றும், இதன் இலை நெல்லி இலை போல இருக்கும். ஒரே காம்பில்  பல இலைகள் ஒன்றுக்கொன்று எதிர் வரிசையாகத் தோன்றும் ஒவ்வொரு  இணுக்கு சேருமிடத்திலும் ஒரு சிறு கிளை தோன்றி, அதில் பல நரம்புகள்  தோன்றி அந்த நரம்புகளில் கொத்துக் கொத்தாக மொட்டுக்கள் விட்டு மஞ்சள்  நிறப் பூக்கள் மலரும். இந்த பூ ஆவரம் பூவின் வடிவத்திலிருக்கும். பூவின் நடுவில்  5லிருந்து6 மகரந்த நரம்புகள் வெளியே நீண்டிருக்கும். நீண்ட உருளைவடிவக்  காய்களை உடைய இலையுதிர் மரம். இது விதை மூலம் இனப் பெருக்கம் ஆகின்றது. 

பயன்கள் 

வேர்ப் பட்டை 20 கிராம் பஞ்சு போல் நசுக்கி 1 லிட்டர் நீரில் இட்டு கால்  லிட்டராகக் காய்ச்சி 5 கிராம் திரிகடுகு சூரணம் சேர்த்து காலையில்  பாதியும் மாலையில் பாதியும் சாப்பிட காய்ச்சல் தணியும் இதய நோய்  குணமாகும் 

கொன்றை மரத்தின் வேர்ப்பட்டையைக் கொண்டு வந்து கழுவிச் சுத்தம்  செய்து பொடியாக நறுக்கி, ஒரு கை பிடியளவு எடுத்து ஒரு சட்டியில் போட்டு  ஒரு டம்ளர் அளவு தண்ணீர் விட்டு அடுப்பில் வைத்து நன்றாகாக் கொதிக்க  வைத்து இறக்கி வடிகட்டி, காலை மாலையாகக் கொடுத்து வந்தால் வாய்வு  சம்பந்தமான வலிகள், வாத சம்பந்தமான வலிகள் உடலில் தோன்றும் அரிப்பு,  சிறு சிரங்குகள்,  படிப்படியாக மறைந்து விடும். 

கொன்றைப் பூக்களில் கைப்பிடியளவு எடுத்து ஒரு சட்டியில் போட்டு 100 கிராம்  நல்லெண்ணையை விட்டு நன்றாகக் காயவைத்து பூக்கள் சிவந்து வரும் சமயம்  இறக்கி, எண்ணெய் ஆறியபின் வடிகட்டி ஒரு சீசாவில் விட்டு வைத்துக் கொண்டு  காது சம்பந்தமான ஏற்படும் கோளாறுகளுக்கு, காலை மாலை ஒரு காதுக்கு இரண்டு  துளி வீதம் விட்டு பஞ்சடைத்து வந்தால் , காது சம்பந்தமான கோளாறுகள் குணமாகும். இலைகளை கண் இமைகளின் மேல் இரவு படுக்குமுன் வைத்துக் கட்டி காலையில்  அவிழ்த்துவிட வேண்டும் இந்த விதமாக ஐந்து நாட்கள் கட்டி வந்தால் கண் சம்பந்தமான  எல்லாக் கோளாறுகளும் குணமாகும். 

வேறுபெயா் 

பெருங்கொன்றை, சிறுகொன்றை 

தாவரப்பெயா் 

CASSIA FISTULA இது CAESALPINIACEAE என்ற தாவரக்குடும்பத்தைச் சோ்ந்தது.

வில்வம். 

வில்வம் எல்லா இடங்களிலும் வளரும் மரம். இமயமலையின் அடிவாரத்திலிருந்து  ஜீலம், பலுசிஸ்தானம் கீழ்பகுதிவரையிலும் தீபகற்பத்தின் தெற்குப் பகுதியிலும்  பரந்து விரிந்து காணப்படுகிறது. எல்லாச் சிவன் கோவில்களிலும் இருக்கும். இலை  கூட்டிலை மூவிலை அல்லது ஐந்து இலை கொண்டது இதை மகாவில்வம் என்பார்கள்.  கூட்டிலையின் சிறிய இலைகள் நீள் வட்டமானது, ஈட்டி வடிவமானது, இலைப்பரப்பு  வழவழப்பாக ஒளிரும் தன்மை உடையது. கனி பெரிய வகையைச் சேர்ந்தது. கெட்டியான  ஓடாக இருக்கும். விதைகள் அகலத்தைக் காட்டிலும் நீளம் அதிகம். இந்த மரம்  தெய்வீக மூலிகை மரம். இது ஒரு விருட்சகம். கோவில்களில் இதை வைத்திருப்பார்கள்.  இதன் இலை இறைவனுக்கு வழிபாடு செய்யப் பயன்படும். வில்வமர நிழல், காற்று  இவற்றிலும் மருத்துவ சக்தி இருக்கிறது. ஸ்பரிசத் தீட்சைக்கு வில்வ மரம். இதை விதை  மூலம் இனப் பெருக்கம் செய்யப் படுகிறது. 

பயன்கள் 

வில்வத் தளிரை வதக்கிச் சூட்டுடன் கண் இமைகளில் ஒற்றடம் வைக்க கண் வலி,  கண் சிகப்பு, அரித்தல் குணமாகும். இதன் இலை காச நோயைத் தடுக்கும். உடல்  வெப்பத்தைத் தணிக்கும். சன்னி ஜுரங்களைப் போக்கும். 

வில்வ பழத்தின் ஓட்டை உடைத்து உட்சதையில் சர்க்கரை சேர்த்து ஒரு தேக்கரண்டியில்  கிண்டி உண்ணலாம். சில நாட்கள் தொடர்ந்து சாப்பிட்டு வந்தால் பித்த நோயைக்  குணப்படுத்தும். 

வாய்புண், குடல் புண் போன்ற நோய்களையும் தீர்க்க வல்லது காசநோயை குணமாக்கும்.  சளி, தடிமன், மூக்கடைப்பு, கண் எரிச்சல் போன்றவற்றையும் குணமாக்கும் வில்வப் பழம். 

வில்வ காயை உடைத்து உள்ளே உள்ள சதையைக் கத்தியால் தோண்டி எடுத்து, புளி,  இஞ்சி, கொத்துமல்லி, மிளகாய் வற்றல், பூண்டு சேர்த்து துவையல் அரைத்துச் சாப்பிட்டால்  மேற்கண்ட நோய்களைக் குணப்படுத்தும். 
 
வில்வக் காயை வெய்யிலில் நன்கு காயப்போட்டு அதை எரித்துக் கரியாக்கி  இடித்து பொடி செய்து தினம் பல் துலக்கி வந்தால் பற்களில் உண்டாகும் பல  நோய்கள் குணமடையும். 

வில்வக் காயைச் சுட்டு உடைத்து அதிலுள்ள சதையை மட்டும் எடுத்து பால் விட்டு  அரைத்து தலையில் தேய்த்துக் குளித்து வர கண்ணெரிச்சல், உடல் வெப்பம் நீங்கும்  முடி உதிர்வது நிற்கும். 

வில்வக்காயை உடைத்து அதன் சதையைப் பசும் பால் விட்டு அரைத்து  விழுதாக்கி இரவு நேரங்களில் உடலில் காணப்படும் கரும்புள்ளிகளில் தடவி  காலையில் முகத்தை கழுவ வேண்டும். ஒரு மாதத்தில் நிறம் மாறி மறைந்து விடும். 

வேறு பெயா்கள் 

கூவிளம், கூவிளை, சிவத்துருமம், நின்மலி,  மாலூரம் போன்றவை 

தாவரப்பெயா் 

AEGLE MARMELOS இது RUTACEAE என்ற தாவரக் குடும்பத்தைச் சாா்ந்தது. 

சீந்தில் கொடி 

சீந்தில் கொடி தமிழ் நாட்டில் எல்லா மாவட்டங்களிலும் வளர்கிறது. வறட்சியைத்  தாங்கக்கூடியது. உயரமான மரங்களில் காடுகளில் அதிகமாகப் படரும் ஏறு கொடி.  கடல் மட்டத்திலிருந்து ஆயிரம் அடியில் வளரக் கூடியது. இதய வடிவ இலைகளையும்  தக்கையான சாறுள்ள தண்டுகளையும் காகிதம் போன்ற புறத் தோலையும் உடைய  ஏறு கொடி. கொடியின் தரை தொடர்பு அகற்றப் பட்டால் கொடியின் மெல்லிய விழுதுகள்  வளர்ந்து தரையில் ஊன்றி கொடி தழைக்கும். இது கோடையில் பூக்கும். பூ ஆண், பெண் என்ற இருவகையுண்டு. மஞ்சள் நிறத்தில் இருக்கும். பெண் பூ தனியாக இருக்கும். அவரை  விதை போன்று சிவப்பு நிற விதைகள் உண்டாகும். விழுதுகள் 30 அடி நீளங்கூட வளரும்.  விதையை விட தண்டு கட்டிங் மூலம் இனப் பெருக்கம் சிறப்பாக இருக்கும். 

பயன்கள் 

முதிர்ந்த கொடியை நறுக்கி இடித்து நல்ல நீரில் கரைத்து வடிகட்டி அசையாது சில மணி  நேரம் வைத்திருந்து நீரை வடித்துப் பார்க்க அடியில் வெண்ணிறமான மாவு படிந்திருக்கும்.  மீண்டும் நீர் விட்டுக் கரைத்து தெளிய வைத்து இறுத்து எடுத்து உலர்த்தி வைக்கப் பளிச்சிடும்  வெண்ணிறப் பொடியாயிருக்கும். இதுவே சீந்தில் சர்க்கரை எனப்படும்.  உணவுக்  கட்டுப்பாட்டுடன் நீண்ட நாள் சாப்பிட பல பிணிகளும் நீங்கும் என்பதாம். 
 
சீந்தில் சர்க்கரை, கல்லீரல், மண்ணீரல் ஆகியவைகளை பலம் பெறச் செய்யும். பிற  மருந்தின் சேர்கையுடன் நீரிழிவு, காமாலை, பாண்டு, சோகை, வீக்கம், இருமல், கபம்,  சளி, வாந்தி, காய்ச்சல், மூர்ச்சை ஆகியவற்றைத் தீர்க்கலாம். முதிர்ந்த கொடிகளை  உலர்த்திப் பொடித்து காலை, மாலை அரைத் தேக்கரண்டி பாலுடன் சாப்பிட்டு வர  உடல் பலம் பெறும். 

வேறு பெயா்கள் 

அமிா்த வல்லி, சோமவல்லி, சாகாமூலி சங்சீவி, ஆகாசவல்லி போன்றவை 

தாவரப்பெயா் 

TINOSPORA CARDIFOLIA. இது MENISPERMACEAE  என்ற தாவரக்குடும்பத்தைச் சாா்ந்தது. 
 

கார்போகரிசி 

கார்போகரிசி ஒரு செடி வகை யைச் சேர்ந்தது. ஆரம்பத்தில் சைனாவிலும்  இந்தியாவில் அதிகமாகக் காணப்பட்டது இது சுமார் 3 அடி உயரம் வரை வளரும்.  இது ஊட்டச்சத்துள்ள மணற்பாங்கான மண்ணில் நன்கு வளரும். 
இலைகள் அகலமாக இருக்கும், கொத்தாக இருக்கும். ஒரு கிளையில் 8-12 பூக்கள்  பூக்கும். அவை காயகி விதைகள் உண்டாகும். சுமார் 7- 8 மாதங்களில் முதிர்ந்து விடும். இதன் விதையிலிருந்து எண்ணெய் எடுப்பார்கள் (ரோகன் பாப்சி) இதன் இலை,பழம், விதை, வேர் யாவும் மருத்துவப் 
பயனுடையவை. இதை வணிக ரீதியாகப் பயிர் செய்வார்கள். 

பயன்கள் 

ஆதிகாலத்தில் சைனாவிலும், இந்தியாவிலும் இதன் எண்ணெயை உடல் வெளி 
பாகத்தில் தேய்த்து தோல் வியாதிகளைப் போக்கினர் மேலும் உடலுக்குப்  புத்துணர்ச்சியூட்ட இதை உபயோகித்தார்கள். இதன் வேர் பல் வியாதிகளுக்குப்  பயன் படும். இலை அமீபாவால் வரும் வயிற்றுப் போக்கிற்கும், புண்களை ஆற்றவும் 
வல்லது. இதன் பழம் வாந்தி, மூலம், இரத்தசோகை, சுவாச சம்பந்தமான நோய்கள்  குணப்படுத்தும். முடிவளரவும் பயன் படுத்தப் பட்டது. வயிற்று வலி, முதுகு வலி,  கிட்னிகள் சம்பந்தப்பட்ட நோய்களையும் குணப் படுத்தும். இது தாது 
விருத்தியுண்டாக்கி உடல் வன்மை பெறப் பயன்படும். 
 
இதன்விதையிலிருந்து எண்ணெய் எடுத்து அதை இருதய சம்பந்தமான நோய்களுக்கும், யானைக்கால் வியாதியைக் குணப்படுத்தவும், இரத்த ஓட்ட 
சம்பந்தமான வியாதியை சீர் செய்யவும், தோல் வியாதிகளைக் குணப்படுத்தவும். 

தாவரப்பெயா் 

PSORALEA CORYLIFOLIA இது LEGUMINACEAE (PAPILLIONACEAE,& FABACEAE) என்ற தாவரக்குடும்பத்தைச் சோ்ந்தது.